Sheteldik kólikter Qazaqstan aýmaǵynda onlaın tirkelýi múmkin
NUR-SULTAN. QazAqparat – Ortalyq kommýnıkatsııalar qyzmetinde ótken brıfıngte QR Іshki ister mınıstrliginiń polıtsııa aǵa ınspektory Aqtoty Boranova shetelden ákelinetin kólikterdi onlaın rejimde ýaqytsha tirkeý qarastyrylyp jatqanyn aıtty, dep habarlaıdy QazAqparat tilshisi.
«Shetelden kelgen avtokólikterdi ýaqytsha tirkeýdi onlaın túrde, 24 saǵatta, tegin júrgizý qarastyrylyp otyr. Osy máseleler oń sheshimin tapsa, biz osy baǵyttaǵy jumystardy odan ári jalǵastyramyz», - dedi ІІM ókili.
Aqtoty Boranova Qazaqstan aýmaǵynda sheteldik kólik tizgindep júrgen júrgizýshiler týraly naqty derek joq ekenin aıtady.
«Qazirgi tańda respýblıka kólemindegi eshqandaı memlekettik organda sheteldik avtokólikterdi aıdaıtyn júrgizýshiler jóninde tolyq málimetter men naqty derekter joq. Sondyqtan, ýaqytsha tirkeý tek joldaǵy qaýipsizdikti ǵana emes, jalpy polıtsııa qyzmetkerleriniń qoǵamdyq qaýipsizdikti de qamtamasyz etýine septigin tıgizedi»,- dedi Aqtoty Boranova
