Sheteldik keńesshilerdi tartýdy qysqartý kerek - Esep komıteti

ASTANA. QazAqparat - Esep komıtetiniń tóraıymy Natalıa Godýnova memorgandar men ulttyq kompanııalarǵa sheteldik mamandardy tartýdy qysqartý usynysyn jasady, dep habarlaıdy QazAqparat.

«Memorgandar men ulttyq kompanııalar halyqaralyq keńesshilerdi tartýǵa qomaqty qarjyny jumsaýdy jalǵastyryp keledi. Olardyń eńbekaqasy jergilikti mamandardan 3-4 ese asyp túsedi. Sonymen birge olardyń eńbekaqysyn retteý boıynsha normatıvtik-quqyqtyq baza joq. Osy oraıda sarapshylardy tartý boıynsha biryńǵaı ortalyqty qurý jolymen halyqaralyq keńesshiler qyzmetterine shyǵystardy ońtaılandyrý jón bolar edi», - dedi N. Godýnova Májilistiń jalpy otyrsynda.

Onyń atap ótýinshe, Esep komıteti zertteý júrgizý men halyqaralyq keńesshilerdi tartýǵa bıýdjet qarjysyn paıdalanýǵa taldaý júrgizdi. Bul turǵyda zertteýler júrgizýge shyǵystar kóleminde eleýli aıyrmashylyq anyqtaldy.

N. Godýnovanyń paıymynsha, zertteýlerdi josparlaý men qabyldaý kezinde «jalǵyz tereze» qaǵıdasyn engizý qajet. Bul óz kezeginde baǵyttalatyn qarjynyń tıimdiligin arttyrady.