Sheteldik qazaqstandyqqa qalaı donor bola alady
NUR-SULTAN. QazAqparat - Medıtsınalyq kómekti uıymdastyrý departamentiniń dırektory Maǵrıpa Embergenova aǵzaǵa muqtaj naýqastyń týysy emes adam qandaı jolmen donor bola alatynyn aıtty, dep habarlaıdy QazAqparat tilshisi.
Redaktsııamyzǵa oqyrmannan «Anam búıregin aýystyrý kerek. Zań boıynsha, jaqyn týysynan basqa adam donor bolsa – jazaǵa tartylady eken. Mundaı jaǵdaıda ne isteýge bolady? Ne sebepti genetıkalyq kúıi sáıkes keletin sheteldik adam donor bola almaıdy?» degen suraq keldi.
Oqyrman suraǵyna qatysty suraýhatymyzǵa Medıtsınalyq kómekti uıymdastyrý departamentiniń dırektory Maǵrıpa Embergenova jaýap berdi.
«Áleýetti retsıpıentke týys bolyp tabylmaıtyn adam medıtsınalyq tekserýden ótýden jáne tindik úılesimdiliktiń bolýy shartymen, onyń tinderin (tinderiniń bóligin) jáne (nemese) aǵzalaryn (aǵzalarynyń bóligin) alý múmkindigi týraly konsılıým qorytyndysyn alǵannan keıin donor bola alady. Eger basqa eldiń azamaty óz aǵzasyn qazaqstandyqqa transplanttaý maqsatynda berýdi qalaıtyn bolsa, notarıaldyq kýálandyrylǵan aǵzalaryn alýǵa óteýsiz jáne erikti kelisim berýi, sondaı-aq jan-jaqty medıtsınalyq tekserýden ótýi jáne onyń tinderin (tinniń bóligin) jáne (nemese) aǵzalaryn (aǵzalarynyń bóligin) alý múmkindigi týraly konsılıým qorytyndysyn alýy tıis», - dedi Maǵrıpa Embergenova.
Foto: nvdaily.ru
