Sheteldik kásipkerge aldanǵan aqtóbelikter kimnen kómek suraryn bilmeı otyr
Bas dańǵylda ornalasqan qonaq úıdi qaıta salý jumystaryn «Oksı Bıld» JShS bastaǵan. Dál osy seriktestik qaladaǵy «ıÝnıs sıtı» turǵyn úı kesheniniń de qurylysyn júrgizdi. Iesi - Armenııa azamaty Gegam Asrıan. Ol ekinshi deıgeıli eki bankten iri kólemde nesıe alyp, bar múlikti kepilge qoıǵan. Qazir qaladaǵy qonaqúı qurylysy toqtap tur. Al «ıÝnıs sıtı» turǵyn úı keshenindegi turǵyndar para alǵan memlekettik qyzmetkerlerdiń kesirinen baspanasynan aıyrylýy múmkin. Turǵyndar oblys basshysy Berdibek Saparbaevtan kómek kútedi. Taqyrypty QazAqparat tilshisi zerttedi.
Aqtóbede kásipker Gegam Asrıanǵa aldanǵandardyń qatary kún sanap artyp keledi. Ol metaldy plastıkalyq tereze, esik, santehnıka men kirpishke, tipti, úı ishine qajetti árleý qurylys materıaldaryn jetkizýshilerge berejaq. Bul derek kezekti sot otyrysynda anyqtaldy.
«Men 2013 jyly «OksıBıld» JShS-nen eki bólmeli páter satyp aldym. Alǵash kezde páter qunynyń bir bóligin qolma-qol tólep, 2016 jyldyń mamyr aıynda bar qaryz óteldi. Keıin oblystyq Ádilet departamentine baryp, menshik ıesi retinde qujattardy alǵym keldi. Memlekettik mekeme mamandary «Oksı Bıld» kompanııasynyń esepshottary memlekettik kirister basqarmasynyń ótinishimen buǵattalǵanyn jetkizdi. Keıin mán-jaıdy bilmekke «OksıBıld» JShS keńsesine bardym. Basshylarynyń biri V.Sırota qazan aıynda sheshimin tabady dep sendirdi. Keıin qylmystyq istiń qozǵalǵany týraly aıtyldy»,- deıdi «ıÝnıs sıtı» turǵyn úı kesheniniń turǵyny Baıan Sársenbaeva.
Páteriniń tehnıkalyq tólqujatyn, nesıeni ótegenin anyqtaıtyn túbirtekterdi qosyp, Baıan Sársenbaeva sotqa aryz túsirdi. Sot otyrysynda «OskıBıld» JShS-nen alajaq aqshasy bar 8 jábirlenýshi tabyldy.
«Jeke kásipkerlerge, máselen, plastıkalyq tereze, kirpishke, tipti, «Forte bankke» berejaq. Olar sotqa qatysyp, óz úlesterin surap otyr. Sýdıa M.Júginisova kompanııanyń ústinen qozǵalǵan qylmystyq isti alǵa tartyp, menshik ıesi quqyǵyn bergen joq», - deıdi B.Sársenbaeva.
Uzaq jyldar boıy aqsha jınap, «OksıBıld» JShS-ne aldanyp qalǵandar arasynda jalǵyzbasty analar, zeınetkerler men jas otbasylar bar.
«2013 jyly 2 bólmeli páter aldym. «OksıBıld» JShS dırektory A. Berdenovamen kelisimshartqa qol qoıyldy. Al nesıe «Mıkrokredıtnaıa organızatsııa KESh Kredıt» JShS arqyly berildi. Dırektory E.Beznosıýk 5 jylǵa 10 paıyzdyq ústemeaqymen eseptep, qolyma nesıe óteý kestesin berdi. Áli de 1,2 mıllıon teńge berejaǵym bar»,- dedi Aınur Baıtýrına. Onyń aıtýynsha, jaýap alý kezinde tergeýshilerdiń aıtýymen aqshany qaıtaryp alý týraly ótinish jazǵan.
«Men úıdi 2014 jyly satyp aldym. Men de úshjaqty kelisimge qol qoıyp, 5 mıllıon 300 myń teńge tóledim. Bar bolǵany 1,1 mıllıon teńge nesıe aldym. Meni 10 paıyzdyq ústemeaqy qyzyqtyrdy. Turǵyn úıdiń máselesin bıyl qazanda kezekti nesıeni tóleýge barǵan kezde estidim. Buǵan deıin «OksıBıld» kompanııasynyń kassasyna tólep júrgen edik. Bizge «toqtap tur, almaımyn aqshany» degen esepshi jumystan shyǵyp ketipti. Dál sol kezde «Sanjar grýpp» JShS aýysqanymyzdy estidik»,- dedi taǵy bir turǵyn Asanqul Sadyqov.
2016 jyldyń kúzinde «OksıBıld» JShS óz klıentterin «Sanjar grýpp» seriktestigine aýdaryp jibergen. Biraq bul ózgeristen turǵyndardyń basym bóligi beıhabar. Kompanııadaǵy aýys-túıisten soń turǵyndar dereý Halyqqa qyzmet kórsetý ortalyǵyna baryp, múlikti tekseredi. Sol kezde barlyq turǵyn úıdiń buǵattalǵany anyqtalady. Biraq «OksıBıld» JShS-ine bul kedergi bolmaı tur. Keńsege baryp, mán-jaıdy bilmek bolǵan páter ıelerine ekinshi deńgeıli bankterdiń birine aqshasyn tóleı berýge keńes bergen.
«Basqa bankte bizdiń esepshotymyz bar, sonda aparyp tóleńder» dep aıtty. Kelisimshart joq, biz nege tóleýimiz kerek?»,- dedi A.Sadyqov.
«Kosmos» qonaq úıi, «ıÝnıs sıtı» turǵyn úı kesheni isteri boıynsha birneshe adam qazir tutqynda otyr. Alǵashqy bolyp qalalyq Ádilet basqarmasynyń qyzmetkerleri Alfıra Sultanova men Qaıyrbek Orynbasarov ustaldy. Іs materıaldaryna súıensek, eki qyzmetker «OksıBıld» kompanııasynyń «Forte bankte» turǵan kepildigin qujattar bazasynan óshirip tastaǵan. Bul qyzmetteri úshin Ádilet basqarmasynyń mamandary páter satyp alǵan.
Oblystyq ishki ister departamenti «OksıBıld» JShS pen «KESh kredıt» JShS qatysty qylmystyq istiń tergelip jatqanyn rastady.
«Qylmystyq is tergelýde. Birqatar tulǵalarǵa qatysty «Qamaýǵa alý» týraly bultartpaý sharasy qoldanyldy»,- dep aqparat taratty. Іs materıaldary qupııa saqtalyp otyr.
Aqtóbe oblystyq prokýratýrasy da qylmystyq is qozǵalǵanyn málimdedi. «OksıBıld» JShS basshylary «Mıkrokredıtnaıa organızatsııa KESh kredıt» JShS arqyly páterlerdi satý deregi boıynsha QR Qylmystyq kodeksiniń «Alaıaqtyq» babynda qarastyrylǵan qylmys quramy belgileriniń bolýyna baılanysty Іshki ister departamentiniń tergeý basqarmasymen sotqa deıingi tergep-tekserý júrgizilip jatqandyǵy týraly málim etemin. Qylmystyq is boıynsha 5 adam ustalyp, sottyń qaýlysymen qamaýǵa alyndy. Qazirgi tańda páterlerdi satyp alǵan azamattardan jábirlenýshi retinde jaýaptar alynyp, tergeý júrgizilýde»,- dedi oblys prokýrorynyń birinshi orynbasary N.Súıindikov.
Osy qylmystyq is boıynsha «OksıBıld» JShS dırektory Ánzııa Berdenova, «Mıkrokredıtnaıa organızatsııa KESh kredıt» JShS dırektory Elvıra Beznosıýk qazir ýaqytsha tergeý oqshaýlaǵyshynda otyr. Al negizgi ıesi Gegam Asrıan shetelde. Ol óz nusqasyn aıtyp, Elbasy Nursultan Nazarbaevtan kómek suraǵan. Ashyq hatta sheteldik kásipker istiń aq-qarasyn ajyratýdy suraǵan.
Іs materıaldaryna súıensek, turǵyn úı qurylysyn júrgizip, satýmen aınalysatyn «OskıBıld», «Adal Úmit», «Mıkrokredıtnaıa organızatsııa KESh kredıt», «Sanjar grýpp» seriktestikteri men Aqtóbe qalasyndaǵy «Kosmos» qonaq úıi Gegam Asrıanǵa tıesili. Qylmystyq is boıynsha tergeý jumystary júrip jatqanmen «Adal úmit» JShS-niń páteri týraly aqparat surap, satyp alý kezinde aqtóbelik turǵyndardan keńes alyp júrgender áli bar. Sheteldik kásipkerge aldanyp qalǵandar «ıÝnıs Sıtı» turǵyn úı kesheninen páter satyp alý óte qaýipti ekenin aıtty.
Aqtóbelikter bul jaǵdaı týraly qala, oblys ákimderine aıtyp, kómek surady. Tipti, ózderi arnaıy beınehabarlama joldady.
Aqtóbe oblysynyń ákimi Berdibek Saparbaev bolsa, kezekti esep berý kezdesýi kezinde qala ákimdigi, «Forte bank» pen turǵyndar bir ústel basyna jınalyp, ortaq sheshimge keletinin aıtty. Buǵan deıin óńir basshysy qurylys salasyn naǵyz jemqorlyq jaılaǵanyn málimdep, «Kosmos» qonaq úıiniń ıesin taba almaıtynyn jetkizgen edi.
Qazir tergep-tekserý jumystary jalǵasyp jatyr. QK «Alaıaqtyq» baby boıynsha qansha adamnyń tutqynǵa alynatyny belgisiz.
