Sheteldik ınvestorlardy zańsyz áreketterden qorǵaý qajet - Alık Shpekbaev

NUR-SULTAN. QazAqparat - QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev ınvestorlardy qorǵaý máselesi týraly aıtty, dep habarlaıdy QazAqparat.

«Bıznes pen ınvestorlardy qorǵaý máselesine taǵy da nazar aýdarǵym keledi. Olardy qorǵaýǵa arnalǵan arnaıy joba bar. Biraq sońǵy aptada úsh elshini qabyldadym. Olardyń biri Pavlodarda polıtseılerdiń zańsyz isine shaǵymdandy. Bizdiń qyzmetkerler aralasqanda qylmystyq is toqtatylyp, sheteldik ınvestordyń paıdasyna sheshilgen», - dedi Alık Shpekbaev «Adaldyq alańy» jobalyq keńsesiniń jartyjyldyqtaǵy jumys qorytyndysy týraly otyrysta.

Agenttik tóraǵasy Pavlodardaǵy oqıǵanyń mán-jaıyna toqtaldy.

«Onda kóshi-qon, merzimdi uzartýǵa baılanysty másele týyndatqan. Al ınvestor óńirge 100 mln dollarǵa deıin ınvestıtsııa salýǵa daıyn. Sondyqtan, otandyq jáne sheteldik ınvestorlarǵa qoldaý kórsetý qajet», - dedi A. Shpekbaev.