Sheteldik ınvestorlar keńesiniń kezekti otyrysy jumys istep turǵan kásiporyndardy jańartýǵa arnalady

STANA. Qazannyń 21-i. QazAqparat /Marlan Jıembaı/ - QR Prezıdenti janyndaǵy Sheteldik ınvestorlar keńesiniń kezekti otyrysy jumys istep turǵan kásiporyndardy jańartý máselesine arnalmaq. Bul týraly búgin elordada ótken baspasóz máslıhaty barysynda QR Indýstrııa jáne jańa tehnologııalar birinshi vıtse-mınıstri Albert Raý aıtty.

«Prezıdent tóraǵalyǵymen ótetin Sheteldik ınvestorlar keńesiniń otyrysy jańartý baǵdarlamasyna arnalatyn bolady. Esterińizde bolsa, Elbasy istep turǵan kásiporyndarǵa nazar aýdarýdy, olardyń qyzmetterine saraptama júrgizýdi tapsyrǵan bolatyn», - dedi ol.

Sondaı-aq onyń atap ótýinshe, 9 aıdy oń nátıjelermen qorytyndylaǵan Indýstrııa jáne jańa tehnologııalar mınıstrliginiń aldynda 4-shi toqsanda atalǵan keńespen qatar QR Prezıdentiniń «Altyn sapa» syılyǵyn alýǵa arnalǵan baıqaý men «Qazaqstannyń úzdik taýarlary» respýblıkalyq baıqaý-kórmesin ótkizý jáne Indýstrııalandyrý kartasy aıasynda 2-shi jartyjyldyqta 80 nysandy iske qosý mindeti tur.