Sheteldik ınvestorlar Qazaqstanda saqtaý qoımalaryn kóptep salýdy usynyp otyr
ASTANA. 22 mamyr. QazAqparat - Búgin QR Prezıdenti janyndaǵy Sheteldik ınvestorlar keńesiniń XXV keńesine qatysqan «Beıker jáne Makenzı Interneshnl» kompanııasy Atqarýshy komıtetiniń múshesi Koen Vanharentsa Qazaqstanda saqtaý qoımalaryn kóptep
salýdy usyndy.
«Astanadaǵy áýejaıǵa qonǵan kezde, saqtaý qoımalarynyń az ekendigin baıqaısyń. Al Amerıka, Eýropa nemese Taıaý Shyǵysta ondaı qoımalardyń aýdany myńdaǵan kvadrat metrge deıin barady. Búginde Qazaqstan kóliktik-logıstıkalyq hab retinde qalyptasýdy kózdep otyr. Biraq ol úshin qajetti jaǵdaılar az», - deıdi K. Vanharentsa. Sheteldik ınvestor atap kórsetkendeı, Qazaqstanda tirkelmegen sheteldik taýar óndirýshiler Kedendik odaq talaptary boıynsha 35 paıyzǵa deıin salyq tóleýge májbúr. «Qazaqstan osy máselelerdiń bárin sheship, saqtaý qoımalaryn kóptep salsa, sheteldik taýarlardy Kedendik Odaqqa jáne Ortalyq Azııanyń basqa da memleketterine sata alady. Mine, osyndaı jaǵdaıda kóliktik-logıstıkalyq habtyń negizi qalyptasady», - deıdi K. Vanharentsa.
