Sheteldik ınvestorlar Karaǵandy oblysyna jylyna 1 mlrd dollar ınvestıtsııa ákeledi
ASTANA. QazAqparat - Qaraǵandy oblysynyń ákimi Erlan Qoshanov sheteldik ınvestorlarmen birlese jumys atqarýdyń arqasynda óńirge qanshalyqty ınvestıtsııanyń kelip jatqanyn aıtyp berdi, dep habarlaıdy «QazAqparat» HAA tilshisi.
«Investorlarmen jumys júrgizý bizdiń oblysqa ınvestıtsııa tartý deńgeıin saqtap otyr. Óńirge jylyna 1 mıllıard dollar ınvestıtsııa tartylady. Biz ekonomıkanyń turaqty damýynda shaǵyn jáne orta bıznestiń mańyzy zor ekenin bilemiz. Oblystaǵy ekonomıkalyq belsendi toptyń úshten biri osy segmentte eńbek etedi. Kásipkerlerdiń sany artyp, atalǵan saladaǵy ónimdilik mólsheri 20 paıyzǵa artty. Tek «Bıznestiń jol kartasy» arqyly ǵana óńir aýmaǵynda 24 mlrd teńgeniń 18 jobasy qoldaý tapty. 800-ge jýyq jańa jumys oryny ashyldy», - deıdi oblys ákimi.
Qaraǵandy oblysynyń ákimi sonymen birge ótken jazda chehııalyq jáne slovakııalyq ınvestorlardyń qatysýymen Saran qalasynda 100 MVt kún elektrostansasynyń qurylysy bastalǵanyn eske saldy.
«Bul elektrostansanyń quny - 55 mlrd teńge. Buǵan qosa biz quny 64 mlrd teńgelik («Alaıǵyr» JShS) qorǵasyn kontsentratyn óndiretin taý-ken kombınatynyń qurylysyn bastadyq. Tranulttyq belgııalyq Karmius Group kompanııanyń qatysýymen biz joǵary sapaly áktas óndirýdi qolǵa aldyq», - deıdi aımaq basshysy.
Erlan Qoshanov sonymen birge, ınvestıtsııalyq klımatty jaqsartý baǵytynda ınvestıtsııalyq strategııa qurý týraly jumysty jetkizdi.
«Bizdiń oblysta jobalyq jolserik jobasy tájirıbege ene bastady. Demek, bizdiń mamandar ınvestordy jobalaý satysynan kelissózge deıingi aralyqta qoldaý kórsete alady. Buǵan qosa biz suranys pen naryqty, shıikzat bazasyn ábden zerttep aldyq. Biz quny 1 trln teńgelik 80 jobany daıyndadyq. Osy jobalardy qazirgi ýaqytta áleýetti ınvestorlarǵa usynyp jatyrmyz», - deıdi Erlan Qoshanov.
