Sheteldik ınvestorlar elordadaǵy aýrýhanaǵa medıtsınalyq jabdyqtar syılady
NUR-SULTAN. QazAqparat – Qazaqstanda jumys isteıtin sheteldik ınvestorlar toby Nur-Sultan qalasyndaǵy aýrýhanaǵa 200 mln teńgege kómek kórsetti, dep habarlaıdy QazAqparat.
Málim etilgendeı, Qazaqstanda jumys isteıtin sheteldik 8 kompanııa jáne «Qazaqstannyń sheteldik ınvestorlar keńesi» qaýymdastyǵynyń ókildigi Nur-Sultan qalasyndaǵy kópsalaly medıtsınalyq ortalyqqa (KSMO) ıntensıvti terapııa úshin zamanaýı jabdyqtar men jeke qorǵanysh quraldaryn syıǵa tartty.
Intensıvti terapııa jabdyǵy kereýettiń mańyna ornatylatyn monıtorlardan, ınfýzııalyq sorǵylardan, qan analızatorynan, elektr ımpedans tomografynan jáne jansaqtaý sharalaryn ótkizýge arnalǵan fýnktsıonaldy jabdyqtardan turady. Medıtsına qyzmetkerleri atalmysh jabdyqtarmen jumys isteý úshin arnaıy oqýdan ótti. Sonymen birge, medıtsınalyq respıratorlar, qorǵanys halattary, kózildirikter jáne qolǵaptar sekildi 10 myńnan astam dana jeke qorǵanysh quraldary berildi.
Arnaıy medıtsınalyq jabdyqtar men materıaldarǵa tapsyrysty Nur-Sultan qalalyq Qoǵamdyq densaýlyq saqtaý basqarmasy jasaǵan.
