Sheteldik ınvestorlar Baıqońyrda bıznesti damytý múmkindigin talqylaıdy

QYZYLORDA. QazAqparat - Búgin Qyzylordada ótetin «Baıqońyrda bıznes damýy múmkin be?» taqyrybyndaǵy ІІ halyqaralyq-ınternet forým ótedi. Sharany Facebook jáne Youtube-tan tikeleı efırde kórýge bolady, dep habarlaıdy QazAqparat tilshisi.

Internet-forýmnyń maqsaty Baıqońyr qalasynda bıznesti damytý múmkindigin talqylaý jáne ony sheshý joldaryn qarastyrý úshin otandyq jáne sheteldik mamandarǵa dıalog alańyn uıymdastyrý bolyp tabylady.

Forýmǵa «KAZAKH Invest» UK» AQ basqarma tóraǵasynyń orynbasary  Birjan Kaneshev, Reseı Federatsııasynyń «Jerústi ǵaryshtyq ınfraqurylym obektilerin paıdalaný» ortalyǵynyń ókili, sondaı-aq Reseı, Qytaı, Izraıl, Ulybrıtanııa, Nıderlandy, Túrkııa, Fınlıandııa, Danııa jáne Ázerbaıjan elderinen birlesken jobalardy júzege asyrýǵa qyzyǵýshylyq tanytqan 20-dan astam halyqaralyq kompanııa qatysady.

Internet-forýmnyń tikeleı kórsetilimin Facebook jáne Youtube-tan kórýge bolady.

Óz kezeginde, ınternet-forým óńirge ınvestıtsııa tartýǵa jáne Baıqońyr qalasynda bıznesti damytý úshin jańa múmkindikter ashatynyn atap ótý  kerek.