Sheteldik ınvestıtsııanyń basym bóligi shıkizat sektoryna baǵyttalyp jatyr - Olga Perepechına
«Elimizde bul salada jaqsy kórsetkishter baıqalyp otyr. 2022 jyly rekordtyq kórsetkish boldy, ıaǵnı 28 mıllıard AQSh dollary shamasynda tikeleı sheteldik ınvestıtsııa tartyldy. Bul – keıingi 10 jyldaǵy eń qomaqty kórsetkish», - dedi O. Perepechına Senatta Qazaqstannyń ınvestıtsııalyq ahýaly tartymdylyǵy taqyrybynda ótip jatqan Úkimet saǵatynda.
Sonymen qatar, ol syrtqy saýda aınalymy qarqyndy ulǵaıtyp kele jatqanyn aıta kele, byltyr onyń deńgeıi 134,4 mıllıard AQSh dollaryna jetkenin jáne bir jyl burynǵy kórsetkishpen salystyrǵanda 35%-ǵa óskenin aıtty.
«28 mıllıard AQSh dollary (2022 jyly) somasynda ınvestıtsııa tartyldy. Biraq, sheteldik ınvestıtsııanyń basym bóligi shıkizat sektoryna jáne ony tasymaldaý men ótkizýge qatysty ınfraqurylymǵa baǵyttaldy. Atap aıtqanda, bul úrdis áli de jalǵasyp otyr. Bul turǵyda salalyq baǵytta ınvestıtsııanyń eń kóp aǵyny taý-ken ónerkásibinde baıqaldy – 12,1 mlrd AQSh dollary. Al, óńdeý ónerkásibine nebári 5,6 mlrd AQSh dollary tústi», - dedi senator.
Osy rette ol Qazaqstandaǵy sheteldik kapıtal kóbine shıkizat óndirýge tartylatynyn aıtty.
