Sheteldik ǵalymdardy Qazaqstannyń aýa raıy tańǵaldyrdy
Bul týraly Qazaqstannyń bıologııalyq alýantúrliligin saqtaý qaýymdastyǵynyń Facebook-tegi paraqshasynda jazyldy. Qazaqstan, Bolgarııa, Ulybrıtanııa, jáne Lıtva ǵalymdarynyń qatysqan shara 9-18 mamyr aralyǵynda ótken bolatyn.
Qazaqstannyń «Qyzyl kitabyna» engizilgen qyzyljemsaýly qarashaqazdarǵa belgi salý jumystary «Qaýipsiz ushý joly» dep atalatyn halyqaralyq joba aıasynda júzege asyp otyr. Sonyń arqasynda Qazaqstanda alǵash ret osy tuqymǵa jatatyn 10 qusqa belgi salynyp, tirkeýge alyndy.
«Mundaı tásil qustardyń aıaldaý oryndaryn anyqtaýǵa jáne ol aýmaqtarda tirshilik arealyn jaqsartýǵa múmkindik beredi», - delingen qaýymdastyqtyń aqparatynda.
Sharaǵa qatysqan ǵalymdardy bárinen buryn mundaǵy qubylmaly aýa raıy tańǵaldyrǵan.
«Alǵashqy kúnderi 35 gradýs ystyq bolsa, sońǵy kúnderi aýa temperatýrasy mınýs 2 gradýsqa deıin tómendedi. Jańbyr men ekpindi jel tipti jospardy ózgertýge májbúr etti. Qatty daýylda qarashaqazdar araldar men tynyq oryndardy yqtap, azyqtanýǵa shyqpaı qalady. Soǵan qaramastan 17 qus ustap, onyń 10-yna spýtnıktikke belgi beretin qural ornattyq» - deıdi atalmysh sharaǵa qatysýshy Alekseı Tımoshenko.
