Sheteldik eńbek mıgranttarynyń Qazaqstannan shyǵarǵan qarajat kólemi belgili boldy
NUR-SULTAN. QazAqparat – Májilis depýtattarynyń saýalyna jaýap bergen QR Premer-Mınıstri Asqar Mamın jaýabynda sheteldik eńbek mıgranttarynyń Qazaqstannan shyǵarǵan qarajat kólemin atady, dep habarlaıdy QazAqparat tilshisi.
«Ulttyq banktiń baǵalaýy boıynsha 2019 jyldyń 1-jartyjyldyǵynda Qazaqstan Respýblıkasynyń rezıdent jeke tulǵalarynyń Ózbekstan Respýblıkasyna aýdarymdary 60 mln, Tájikstan Respýblıkasyna – 7,4 mln, Ózbekstan Respýblıkasynan QR-nyń rezıdent jeke tulǵalarynyń paıdasyna – 17,0 mln, Tájikstan Respýblıkasynan – 1 mln AQSh dollaryn qurady. Tólem balansynyń derekteri boıynsha beırezıdent jeke tulǵalardyń paıdasyna rezıdent jeke tulǵalardyń shetelge aqsha aýdarymdary basym túrde TMD elderine jáne alys sheteldiń jekelegen elderine jiberiledi», - dep atap ótedi Asqar Mamın.
