Sheteldik eńbek mıgranttary qaı zańdy jıi buzady
Aldymen kóshi-qon týraly zań talaptaryn buzý jaǵdaıyna kelsek, elorda polıtsııa departamenti kóshi-qon qyzmeti basqarmasynyń basshysy Erbol Mahmetovtyń málimdeýinshe, elimizde qos azamattyqpen júrgen azamattarǵa jaýapkershilik qarastyrylǵan.
«Sońǵy 6 aıdyń ishinde 496-bap boıynsha 200-ge jýyq adam ákimshilik jaýapkershilikke tartyldy. Olar basqa eldiń azamattyǵyn alǵany týraly ýaqtyly habarlamaǵan. Qazaqstanda qos azamattyq qabyldanbaıdy. Sondyqtan biz olardy ákimshilik jaýapkershilikke tartamyz», - deıdi spıker.
Onyń aıtýynsha, jalpy kóshi-qon qyzmeti óz azamattarymyz ben sheteldik eńbek mıgranttaryna 15 túrli memlekettik qyzmet usynady.
Memlekettik qyzmetterdi kórsetýde avtomattandyrýǵa jáne elektrondy nusqaǵa basa nazar aýdarylady. Bıyl 7 aıda elordanyń kóshi-qon qyzmetiniń bólimsheleri 344 094 memlekettik qyzmet kórsetti. Onyń ishinde kóshi-qon qyzmetiniń bólimshelerimen tikeleı baılanys kezinde –11 129, memlekettik korporatsııa arqyly –197 291, «Elektrondyq úkimet» veb-portaly arqyly –106 873.
Kóshi-qon basqarmasynyń dereginshe, jyl basynan beri Astanada 20 myńǵa jýyq shetel azamaty tirkelgen. Odan bólek, Tájikstannyń 3 myńnan astam azamaty ýaqytsha turýǵa ruqsat aldy.
«Eger olar ýaqytsha turýǵa ruqsat alsa, belgilengen merzim ishinde jumys isteýge quqyly. Jyl basynan beri 500-den astam adam elden shyǵaryldy. Olardyń deni qurylys alańdarynda jumys isteıdi», - dedi brıfıngte Erbol Mahmetov.
Belgili bolǵandaı, elordaǵa keletin sheteldik eńbek mıgranttary kóbine qurylys salasynda jáne taksı qyzmetinde jumys isteıdi eken.
«Shetel azamattary Qazaqstanda kóshi-qon zańyna saı júrse jáne jergilikti atqarýshy organdarynan ruqsaty bolsa kez kelgen salada eńbek ete alady. Eń bastysy zań aıasynda bolý kerek. Zańbuzýshylyq anyqtalǵan jaǵdaıda máselemen biz aınalysamyz», - dedi Erbol Mahmetov polıtsııa departamentinde ótken baspasóz máslıhatynda.
Spıkerdiń málimetinshe, jyl saıyn kóshi-qon zańyn buzǵan 900-den astam sheteldik elden shyǵarylady.
Sondaı-aq basqarma basshysynyń aıtýynsha, sheteldik eńbek mıgranttary negizinen qurylys salasy, taksı sekildi qoǵamdyq jumystarǵa barady.
«Mysaly, taksı júrgizýshisi shetel azamaty boldy delik, eger kúdik bolǵan jaǵdaıda 102-ge habarlap aıtýǵa bolady. Tártip saqshylary, ol azamatty kóshi-qon bólimine jetkizip, jumys isteýge ruqsatyn tekseredi. Olar ózimen birge eńbek etýge ruqsat qujatyn alyp júrýi tıis. Keri jaǵdaıda zań aıasynda jaýapkershilikke tartylady», - deıdi ol.
Qalalyq kóshi-qon qyzmeti usynǵan aqparatqa sáıkes, 2020 jyldan bastap sheteldikterdi polıtsııa bóliminde tirkeý alynyp tastaldy.
«Degenmen biz olardyń elimizde bolýy boıynsha kóshi-qon baqylaýyn joǵaltqan joqpyz. Onyń negizgi elementi – sheteldikterdi qabyldaıtyn adamdardyń ishki ister organdaryna habarlaý mehanızmi. Atalǵan mehanızm vızalyq kóshi-qon portaly arqyly avtomattandyrylǵan jáne engizilgen. Sheteldikke kelý, turý jáne ýaqytsha turýǵa ruqsatty tirkeý týraly habarlaýǵa barlyq jaýapkershilik qabyldaýshy jeke jáne zańdy tulǵalarǵa júkteledi», - dedi polıtsııa departamentiniń ókili.
Spıkerdiń málimdeýinshe, sheteldikti qabyldaýshy tarap (qonaqúıler, jalǵa beriletin páterler, bilim berý mekemeleri, medıtsınalyq mekemeler, jeke tulǵalar jáne t.b.) úsh jumys kúni ishinde kóshi-qon qyzmetine shetel azamatynyń kelgeni týraly habarlaýǵa mindetti. Kóshi-qon qyzmetine Elektrondy tsıfrlyq qoltańba kómegimen vızalyq portal arqyly habarlaýǵa bolady.
«Qoldanystaǵy zańnamaǵa sáıkes bul mehanızm buzylǵan jaǵdaıda, qabyldaýshy tarap Ákimshilik quqyqbuzýshylyq kodeksiniń 518-baby boıynsha ákimshilik jaýapkershilikke tartylady», - dep tolyqtyrdy Erbol Mahmetov.
Bıyl jeti aıdyń ishinde qalalyq kóshi-qon qyzmetinde 145 965 tólqujat (pasport) jáne jeke kýálik rásimdelip, otandastarymyzǵa tabystaldy.
Eske salaıyq, Qazaqstanda bolý merzimin buzǵan shetel azamattaryna aldymen eskertý jasalady. Eskertýǵa qulaq aspasa, aıyppul salynady. Zań buzýshylyqtyń arty elden shyǵarýǵa deıin jetýi múmkin.
Elimizge jumys babymen nemese oqý úshin 30 táýlikten astam merzimge kelgen sheteldikterge ýaqytsha turýǵa ruqsat resimdeledi.
«Elimizge kelgen shetel azamattary men olardy qabyldaǵan jaqtan Qazaqstanda bolý zańnamasynyń buzylýyna jol bermeýin suraımyz», - dedi Erbol Mahmetov polıtsııa departamentinde ótken baspasóz máslıhatynda.
Onyń aıtýynsha, elimizde bolý qaǵıdalary buzylǵan jaǵdaıda sheteldikter ákimshilik- qylmystyq kodekstiń 517-baby boıynsha ákimshilik jaýapkershilikke tartylady. ıAǵnı Qazaqstanda bolý merzimin buzý.
Aıyppuldyń mólsheri bolý merziminiń buzylýyna baılanysty taǵaıyndalady. Mysaly, 3 táýlikke deıin – eskertý, 5 táýlikke deıin – 10 AEK (aılyq eseptik kórsetkish), 10 táýlikke deıin 15 AEK.
Eger shetel azamaty elimizde bolý merzimin 10 táýlikten artyq buzsa, onda ákimshilik hattama sotqa jiberiledi. Sottyń sheshimimen aıyptyǵa 25 AEK kóleminde aıyppul salynady nemese elden shyǵarylady.
Erbol Mahmetov baıandaǵandaı, kóshi-qon qyzmeti baǵyttarynyń biri Qazaqstan Respýblıkasynyń azamattyǵyna qabyldanýǵa ótinish bildirgen sheteldikter materıalyn qaraý.
Ótken kezeńde 1110 adamnan ótinish qabyldandy, Memleket basshysy tıisti jarlyqqa osy jyldyń sońynda qol qoıady dep kútilýde.
Zańnamaǵa engizilgen túzetýlerge sáıkes, jyl basynan bastap Qazaqstanda turaqty turýǵa jáne azamattyq alýǵa ótinishti bir ýaqytta berýge bolady. Bul rette olar úshin bólek turaqty turýǵa ruqsat alý kezeńi alynyp tastalady.
«Ońtaılandyrylǵan tirkeý rásimi arqyly 910 jýyq qandas azamattyq aldy. Quqyqtyq mártebesi anyqtalmaǵan adamdardy anyqtaý boıynsha júrgizilgen jumystar nátıjesinde 45 adam Qazaqstan Respýblıkasynyń azamaty dep tanylyp, qujat alǵan», - deıdi basqarma basshysy.
Statıstıkaǵa súıensek, elordada jyl basynan beri kóshi-qon zańnamasyn buzý boıynsha 8706 fakti anyqtalǵan.
«505 shetel azamaty elden tysqary jerlerge shyǵaryldy. Zańdy buza otyryp sheteldik jumys kúshin tartqan 94 jumys berýshi tartyldy. Sheteldik azamattardy ýaqytynda tirkeý sharalaryn qabyldamaǵany úshin 817 Qazaqstan Respýblıkasynyń azamaty ákimshilik jaýapkershilikke tartyldy», - dep tolyqtyrdy kóshi-qon basqarmasynyń basshysy.
