Sheteldik bıznesmenderge ınvestıtsııalyq vıza rásimdeledi

NUR-SULTAN. QazAqparat – QR Ulttyq ekonomıka mınıstri Álibek Qýantyrov sheteldik bıznesmenderge ınvestıtsııalyq vıza rásimdeletinin málim etti, dep habarlaıdy QazAqparat tilshisi.

«El ekonomıkasyna bir ýaqytta úsh júz myń dollardan astam ınvestıtsııa salǵan sheteldik bıznesmenderge ınvestıtsııalyq vızany engizý úshin Kóshi-qon saıasaty tujyrymdamasyna jáne «Halyqtyń kóshi-qony týraly» zańǵa ózgerister engiziletin bolady»,- dedi ol.

Sondaı-aq, ol jyl saıyn «Samuryq-Qazyna» qorynyń taza kirisiniń keminde 7 protsenti «Qazaqstan halqyna» qoǵamdyq qoryna aýdarylatynyn eske saldy.

«Memlekettik basqarý isin qaıta jańǵyrtý» tórtinshi baǵyty boıynsha 9 is-sharany iske asyrý kózdelgen. Jańa ákimshilik reforma sheńberinde jeke sektordyń kásipqoılar úshin memlekettik qyzmetshilerdi irikteý jáne jumystan bosatý júıesi barynsha ashyqtyqty qamtamasyz etý maqsatynda qaıta qaralatyn bolady», - dedi mınıstr.