Sheteldik baıqaýshy: Saılaý mereke sııaqty ótti

KÓKShETAÝ. QazAqparat - Qazaqstan Respýblıkasy Prezıdentiniń saılaýynda Aqmola oblysy boıynsha jumys istegen TMD mıssııasynyń halyqaralyq baıqaýshylary óńirlik kommýnıkatsııalar qyzmetinde jýrnalıstermen brıfıng ótkizdi, dep habarlaıdy QazAqparat tilshisi.

Brıfıngke Reseıdiń Omby oblysynyń ishki saıasat basqarmasy basshysynyń orynbasary ıÝrıı Nazarenko, Omby qalalyq saılaý komıssııasynyń tóraǵasy Ivan Hodokov jáne Omby oblysynyń zańnama jıyny tóraǵasynyń orynbasary Aleksandr Artemov qatysyp, baıqaýshylar retinde saılaýdyń ótýi týraly ózderiniń oı-pikirilerimen bólisti. Aqmola oblysy aýmaǵyndaǵy saılaýǵa Reseıden 12 adamnan turatyn baıqaýshylar delegatsııasy qatysqan eken. Reseılik baıqaýshylar Aqmola oblysynyń birqatar óńirlerinde bolyp, saılaýda halyqtyń belsendiligin baıqaǵan.

«Men osyǵan deıingi ótken saılaýlarda Pavlodar, Petropavl sııaqty qalalarda baıqaýshy boldym. Maǵan Kókshetaý qalasy, jalpy, Aqmola oblysynda ótken saılaý qatty unady. Óńirde daýys berýshiler óte belsendilik tanytty. Tipti, túski saǵat 12:00-13:00 daýys berýshilerdiń legi bir tolastamady. Baıqaǵanym saılaý sizderde mereke sııaqty ótti. Adamdardyń kóńil-kúıleri kóterińki boldy. Úmitkerler de saılaý aldyndaǵy úgit-nasıhat paraqtaryn kóringen jerge ilip, halyqtyń mazasyn qashyrǵan joq», - deıdi Aleksandr Artemov.

Sonymen qatar, mıssııa bul jolǵy kezekten tys Prezıdent saılaýy Qazaqstan Respýblıkasynyń zańnamasyna, memleket qabyldaǵan halyqaralyq mindettemelerge sáıkes bolǵanyn atap ótti.

«Mıssııa kezekten tys saılaýdyń zańdylyǵyna kúmán keltirerlikteı ulttyq zańnamanyń buzylýyn tirkegen joq», - deıdi ıÝrıı Nazarenko.

Omby qalalyq saılaý komıssııasynyń tóraǵasy Ivan Hodokovtyń pikiri de áriptesteriniki sııaqty bir jerden shyqty. Ol da osy saılaý ashyq, demokratııashyl ári senimdi ótti dep moıyndaıtynyn jetkizdi. Onyń aıtýynsha, osyndaı deńgeıdegi is-sharany uıymdastyrýda Qazaqstannyń tájirıbesin alyp, úırenýge bolady.