Sheteldik BAQ Ulytaýda ótken «Jezkıik» festıvali týraly jazdy
QARAǴANDY. QazAqparat - Tanymal «ElUniversal» jáne «La vozde Michoacan» gazetteri, opera óneri jaıynda jazatyn aýstrııalyq «NewMerker» halyqaralyq jýrnaly jáne t.b. elderdiń kóptegen basylymdary shilde aıynda Ulytaýda ótken «Jezkıik» etnıkalyq mýzyka festıvali týraly jazdy dep habarlaıdy QazAqparat Qaraǵandy oblysynyń Іshki saıasat basqarmasyna silteme jasap.
ElUniversal-da jarııalanǵan maqala avtory festıval Qazaqstannyń kıeli jerleriniń biri - Ulytaýda ótkenin jazady.
«Ulytaý óńiri Ortalyq Qazaqstannyń shóleıt aýmaǵynda ornalasqan. Onda neolıt dáýirinde osy aımaqty adamdardyń mekendegenin dáleldeıtin arheoloııalyq izder qalǵan. Ulytaý qoryǵy, onyń tabıǵaty men landshafty ıÝNESKO-nyń Dúnıejúzilik jádigerleriniń tizimine engen. Qazaqstan bıligi bul óńirde týrızmdi damytýǵa kúsh salýda», - dep jazady basylym.
Meksıkalyq basylymda jaryq kórgen maqalada Hoverna polıak ujymynyń óneri erekshe baǵalanady. Basylym Kvartet festıvalinde dástúrli meksıkalyq «son harocho» stılinde «La Bamba» ánin shyrqady deıdi.
Al aýstrııalyq mamandandyrylǵan «NewMerker» jýrnaly men halyqaralyq «Online-Merker» mádenı ınternet-portaly Ulytaýdaǵy festıval jaıynda arnaıy reportaj jarııalady. Basylym korrespondentteri aýstrııalyq opera ánshisi Anna Rıannyń ónerin erekshe baǵalaıdy.
Mátinde «Jezkıik» tarıhı meken Ulytaýda ótkeni týraly málimetter qamtylǵan.
«Festıval uıymdastyrýshylary sharany óte joǵary deńgeıde ótkizdi», - deıdi onlinemerker.com saıtyndaǵy maqalanyń avtory.
Avtordyń aıtýynsha, Jezqazǵanda bolǵan klassıkalyq mýzyka keshi halyqaralyq deńgeıde ótken. Sebebi sharaǵa 17 eldiń ókilderi qatysqan.
«Atalmysh festıval halyqaralyq dostastyqtyń aıqyn kórinisi ispettes boldy. Qabyldaý óte joǵary deńgeıde ótti. Mýzykanttar ózara til tabysyp ketti», - delingen maqalanyń mátininde.
Aıta ketsek, «Jezkıik» etnıkalyq mýzyka baıqaýy 13-14 shilde kúnderi Ulytaý óńirindegi Bolatsaı jerinde ótken bolatyn. Japonııa, Shotlandııa, AQSh, Perý, Reseı jáne t.b. syndy 11 eldiń ansamblderi sahnada klassıkalyq jáne halyq kompozııatsııalary boıynsha óner kórsetti. Festıvaldi 6 myńnan astam qonaq tamashalady.
