Sheteldik BAQ-taǵy Qazaqstan: Orman órti, Sırııa boıynsha halyqaralyq kezdesý jáne BAÁ-men saýda baılanysy
Al Jazeera: Qazaqstanda orman órti saldarynan 14 adam qaza boldy
Dohada ornalasqan halyqaralyq Al Jazeera aqparat agenttigi 10 maýsymda Qazaqstannyń Abaı oblysyndaǵy orman órti týraly maqala jarııalady.
Foto: TJD
«Qazaqstannyń soltústik-shyǵysynda bolǵan iri orman órti saldarynan 14 adam qaza tapty, bul Ortalyq Azııa elindegi sońǵy jyldardaǵy eń úlken adam shyǵyny. Tótenshe jaǵdaılar mınıstrligi senbi kúni 316 adam evakýatsııalanǵanyn málimdedi. Joǵary temperatýra men qatty jelge qaramastan jaǵdaı baqylaýda», - delingen maqalada.
Arab News: Qazaqstan men BAÁ saýda baılanystaryn nyǵaıtý týraly kelisimge qol qoıdy
Er-Rııadta ornalasqan Arab News aqparat agenttigi 14 maýsymda Birikken Arab Ámirlikteri men Qazaqstan arasyndaǵy saýdany ilgeriletý jáne turaqty ekonomıkalyq ósýdi qoldaý maqsatynda KazakhExport pen Etihad Credit Insurance kompanııalary ózara túsinistik týraly memorandýmǵa qol qoıylǵanyn habarlady.
«Birikken Arab Ámirlikteri men Qazaqstannyń eksporttaýshylary eki el kompanııalaryn halyqaralyq tranzaktsııalardaǵy yqtımal kommertsııalyq táýekelderden qorǵaý týraly kelisimge qol qoıǵannan keıin sharıǵatqa saı saqtandyrý jáne saýda nesıelerine keńirek qol jetkizedi», - dep jazady basylym.
Kelisimge sáıkes, eki tarap shaǵyn jáne orta bıznes, saýda salalarynda qorǵaý sharalaryn paıdalanýdyń artyqshylyqtaryn úıretý maqsatynda semınarlar uıymdastyrady. Bul sheshimder ártúrli kommertsııalyq jáne geosaıası faktorlarǵa baılanysty týyndaıtyn tólem jasaı almaý táýekelderin barynsha azaıtýǵa baǵyttalǵan.
Anadolu Agency: Sırııa boıynsha tórtjaqty kezdesý kelesi aptada Qazaqstanda ótedi dep josparlanǵan
Túrkııanyń Anadolu agenttigi 14 maýsymda túrik dıplomatııalyq derekkózderine silteme jasaı otyryp, kelesi aptada Astanada Sırııa boıynsha Astana formatynda kezekti halyqaralyq kezdesý ótetinin habarlady.
«Túrkııa, Reseı, Iran jáne Sırııa Syrtqy ister mınıstrleriniń orynbasarlary 21 maýsymda Astanada kezdesýdi josparlap otyr. Tórt el Túrkııa men Sırııa arasyndaǵy qarym-qatynasty qalypqa keltirý, sonymen qatar terrorızmmen kúres, saıası úderis jáne gýmanıtarlyq máseleler, sonyń ishinde sırııalyqtardyń eline erikti túrde, qaýipsiz oralýy týraly pikir almasady», - dep habarlady agenttik.
Mehr News Agency: Iran - Qazaqstannyń ıslam álemindegi jaqyn seriktesi
Mehr aqparat agenttigi 13 maýsymda QR Senat spıkeri Máýlen Áshimbaevtyń Irannyń Qazaqstandaǵy elshisi Alı Akbar Djokarmen kezdesýi týraly maqala jarııalady, onyń barysynda taraptar eki el arasyndaǵy yntymaqtastyq pen áriptestikti tereńdetý máselelerin talqylady.
Foto: senate.parlam.kz
«Máýlen Áshimbaev Astana men Tegeran arasyndaǵy ekijaqty qarym-qatynas Prezıdent Toqaevtyń 2022 jyly Iranǵa saparynan keıin qarqyn alǵanyn atap ótti. Budan ári Qazaqstan men Iran parlamentteri arasyndaǵy qarym-qatynasty odan ári damytýǵa qazaqstandyq taraptyń qyzyǵýshylyǵyn bildirdi», - delingen maqalada.
Euronews:Jyldam ózgeretin naryqtaǵy energetıkalyq qaýipsizdik
14 maýsymda Euronews arnasy Astana halyqaralyq forýmynyń energetıkalyq qaýipsizdikke arnalǵan «Energetıkalyq qaýipsizdikti qaıta qaraý: Aıqyn sheshimder sheńberinen shyǵý qajettiligi» taqyrybyndaǵy paneldik sessııasy týraly maqala jarııalady.
«Eýropa men Ortalyq Azııa tez ózgeretin energetıkalyq máselelerdiń sheshimin izdeýde. Astana halyqaralyq forýmynda energetıkalyq qaýipsizdik máselesi qyzý talqylandy. Álemdegi eń mańyzdy munaı óndirýshilerdiń biri Qazaqstan álemdik energetıkalyq naryqqa óziniń jetkizilimi men yqpalyn arttyrýǵa umtylady», - dep habarlady BAQ.
Euronews arnasy Qazaqstan Syrtqy ister mınıstriniń orynbasary Roman Vasılenkonyń sózine silteme bergen. «Qazaqstan Eýropanyń munaıǵa degen qajettiliginiń shamamen 8 paıyzyn, al ýran qajettiliginiń shamamen 20 paıyzyn qamtamasyz etedi. Qazir biz qolda bar resýrstardy eskere otyryp, Qazaqstanda beıbit atom ónerkásibin damytýdy oılastyryp jatyrmyz», - dedi Qazaqstan Syrtqy ister mınıstriniń orynbasary.
Asia Times: Orta derjavalar Astana forýmynda basty nazarda
Asia Times jańalyqtar saıty 12 maýsymda Astana halyqaralyq forýmynan orta derjavalardyń róline arnalǵan maqala jarııalady. «Orta derjava» termıni álemdik arenada belgili bir dárejede yqpaly men kúshi bar, biraq sýperderjava nemese iri jahandyq oıynshy bolyp sanalmaıtyn eldi bildiredi.
«Forýmnyń kún tártibi azyq-túlik qaýipsizdigi, sý resýrstaryn basqarý jáne kapıtal aǵyndarynan bastap, Birikken Ulttar Uıymynyń róline, ekonomıkalyq ıntegratsııaǵa jáne orta derjavalar jaýapty memlekettik basqarýdy ustanýy qajet degen taqyryptardy jan - jaqty qamtydy», - delingen maqalada.
Prezıdent Qasym-Jomart Toqaevtyń plenarlyq otyrysta sóılegen sózi jan-jaqty qarastyrylǵan.
«Toqaev Astanada Azııa, Afrıka jáne Taıaý Shyǵystaǵy orta derjavalardyń kópshiliginiń basyn qosty, degenmen Latyn Amerıkasy az ókildik etti. Delegattar uly derjavalar arasyndaǵy tartys pen teketirestiń kesirinen álemniń búkil aımaqtarynyń haos pen qaqtyǵysqa túsip jatqanyna budan bylaı beıjaı qarap otyrmaıtyndaryn túsindirdi», - dep jazady Asia Times.
Global Voices: Qazaqstan áli de saıası qýǵyn-súrgin men keńestik dáýirdegi asharshylyqtan zardap shegýde
Global Voices basylymy 13 maýsymda Qazaqstandaǵy saıası qýǵyn-súrgin qurbandaryn eske alý kúnine oraı maqala jarııalady.
Maqalada Qazaqstan tarıhynyń eń aýyr kezeńi, sonyń ishinde asharshylyq pen stalındik qýǵyn-súrgin týraly keńinen jazylǵan.
«2020 jyly Toqaev saıası qýǵyn-súrgin qurbandaryn tolyq aqtaý jóninde memlekettik komıssııa qurdy. 11 jumys tobynan turatyn dinı qaıratkerler men jergilikti zııaly qaýym ókilderi qýǵyn-súrgin qurbandaryn tabý úshin muraǵattardy zertteıdi. Bul komıssııany qurý týraly sheshim 1991 jyly táýelsizdik alǵannan keıin qabyldanǵan alǵashqy zańdardyń biri bolǵan. 1993 jyly «Jappaı saıası qýǵyn-súrgin qurbandaryn aqtaý týraly» zań qabyldaǵannan keıin 17 jyl ótken soń qabyldandy», - delingen maqalada.
