Sheteldik BAQ-taǵy Qazaqstan: Albanııa Prezıdentiniń sapary, Astanadaǵy ShYU otyrysy jáne kıiz úıdiń jańǵyrýy
Reuters : Qazaqstan Tımýr Súleımenovti QR Ulttyq Bankiniń Tóraǵasy laýazymyna taǵaıyndady
4 qyrkúıek kúni Reuters aqparat agenttigi Ortalyq Azııadaǵy munaıǵa baı el Qazaqstan Ulttyq bank tóraǵasy laýazymyna burynǵy ekonomıka mınıstri Tımýr Súleımenovtiń kandıdatýrasyn maquldaǵany týraly habarlady.
45 jastaǵy Súleımenov 2022 jylǵy qańtardan búginge deıin Prezıdent ákimshiligi basshysynyń birinshi orynbasary qyzmetin atqarǵan.
«QR Prezıdenti Qasym-Jomart Toqaev óz joldaýynda Ulttyq bankke ınflıatsııany tómendetý, qarjy tehnologııalary men ınnovatsııany damytý jáne kelesi jyly ulttyq tólem júıesin tolyqqandy iske qosý jóninde mańyzdy mindetter júktedi»,-delingen basylymda.
Interfax: Qazaqstan men Albanııa ekijaqty yntymaqtastyqty keńeıtýge nıetti
7 qyrkúıekte Interfax basylymy Albanııa men Qazaqstan prezıdentteri ekijaqty yntymaqtastyqty keńeıtýge qatysty kelissóz júrgizgenin habarlady.
Taraptar saýda-ekonomıkalyq, kólik-logıstıkalyq, ınvestıtsııalyq jáne gýmanıtarlyq yntymaqtastyqty nyǵaıtýǵa basa mán bere otyryp, Qazaqstan men Albanııa arasyndaǵy seriktestiktiń negizgi máselelerin talqylady.
«Qazaqstan Prezıdenti Qasym-Jomart Toqaev týrızm pen saýdany jaqsartý úshin eki eldiń astanalary arasynda tikeleı áýe qatynastaryn ornatý qajet ekenin aıtty. Albanııa Prezıdenti Baıram Begaı Qazaqstanǵa qonaqjaılylyǵy úshin alǵys aıtyp, Toqaevty Albanııaǵa kelýge shaqyrdy»,-dep jazady agenttik.
Eurasianet:Qazaqstan: Dıqandar prezıdentten astyq jınaýdaǵy qıyndyqtarǵa qatysty kómek surady
8 qyrkúıekte Eurasianetagenttigi Qazaqstandaǵy qurǵaqshylyq pen uzaq jaýǵan jańbyrdan keıin dıqandardyń qandaı qıyndyqtarǵa tap bolǵany týraly maqala jarııalady.
«Qazaqstanda bıylǵy jazdyń qatty ystyq bolýy astyq jınaýdy aıtarlyqtaı tómendetken. Sońǵy birneshe aıdaǵy ystyq aýa-raıymen qosa bıdaı ósirýshiler taǵy bir máselege tap bolǵan. Jergilikti BAQ ókilderi habarlaǵandaı, bıdaıdyń sapasy nasharlap ketken. Alaıda soltústik oblystardaǵy egistikterde jaýyn-shashyn uzaqqa sozylýyna baılanysty ony jınaý múmkin bolmaǵan. Aýyl sharýashylyǵy mınıstrligi bul aqparatty rastap, Qazaqstannyń soltústik óńirlerindegi fermerler eginniń orta eseppen tek 23%-yn jınaǵanyn habarlady»,-delingen materıalda.
Dıqandar astyqtyń sapasyz bolyp, kelesi jyly tuqymsyz qalý yqtımaldyǵy joǵary ekenine alańdaýly. Olardy astyqty keptirý úshin áldeqaıda kóp otyn qajet etetin elevatorlardyń rentabeldiligi de ýaıymǵa salyp otyr. Osy oraıda, nesıelik mindettemeler men sýbsıdııalarda sharýalar úshin mańyzdy máseleniń biri bolyp tur.
Anadolu: ShYU Qazaqstandaǵy terrorızmge qarsy qurylymnyń aımaqtyq keńesiniń otyrysyn ótkizdi
Túrkııanyń Anadolu agenttigi 8 qyrkúıekte Astanada Qazaqstannyń tóraǵalyǵymen Shanhaı yntymaqtastyq uıymynyń (ShYU) óńirlik terrorızmge qarsy qurylym keńesiniń 40-otyrysy ótti. Otyrysqa Úndistan, Iran, Qytaı, Qyrǵyzstan, Pákistan, Reseı, Tájikstan, Ózbekstan, sondaı-aq Belarýs jáne Mońǵolııa elderiniń resmı delegatsııasy baqylaýshy retinde qatysty. Otyrysta terrorızmdi qarjylandyrýǵa jol bermeý, sonymen birge qarýdyń zańsyz aınalymyna qarsy is-qımyl jónindegi yntymaqtastyq máseleleri de sóz boldy.
ShYU-ǵa múshe memleketter yntymaqtastyǵynyń terrorızmge, separatızmge jáne ekstremızmge qarsy is-qımyldar jónindegi 2022-2024 jyldarǵa arnalǵan baǵdarlamasyn talqylady.
Qazaqstan Ulttyq qaýipsizdik komıteti tóraǵasynyń orynbasary Rýslan Seısembaev otyrystan keıin uıymǵa múshe elder terrorızmmen kúresýdiń bolashaqtaǵy ortaq josparlaryn bekitkenin habarlady. Onyń aıtýynsha, saraptamalyq baǵalaýlarǵa sáıkes, ınternette jumys isteıtin 10 myńǵa deıin ekstremıstik elektrondy alań bar.
Úndistan aýmaǵynda praktıkalyq yntymaqtastyqty kúsheıtý úshin ınternet jelisin terrorıstik jáne ekstremıstik maqsattarda paıdalanýdyń jolyn kesý boıynsha praktıkalyq semınar men terrorızmge qarsy oqý-jattyǵý josparlanǵan. 2024 jyly QHR aýmaǵynda terrorızmge qarsy birlesken oqý-jattyǵý ótkizý týraly sheshim qabyldandy.
ANI: Qazaqstandyqtar endi Izraılge tikeleı usha alady
Úndistannyń ANI aqparat agenttigi 7 qyrkúıekte Qazaqstan men Izraıl arasynda tikeleı áýe qatynasynyń ashylǵany týraly habarlady. Ushýdy «Eır Astana» áýe kompanııasy júzege asyrady.
«Eır Astana» áýe kompanııasy Airbus 321 úlgisindegi áýe kemelerinde aptasyna eki reıs (beısenbi jáne jeksenbi) jıiligimen Almaty – Tel-Avıv baǵyty boıynsha jańa tikeleı turaqty jolaýshylar reısterin oryndaýdy bastaýdy josparlap otyr. Tel-Avıvten reıs 5 saǵat 50 mınýtty quraıdy. Qaıtý reısiniń ushý ýaqyty – 6 saǵat 45 mınýtty quraıdy», - delingen maqalada.
Nikkei Asia: Qazaqstanǵa kıiz úıler qaıta oralyp jatyr
Japondyq Nikkei Asia agenttigi qazaq kıiz úıiniń erekshelikteri týraly maqala jarııalady. Materıalda ulttyq turǵyn úılerdiń ekologııalyq tazalyǵy jaıly atap ótilgen.
«Turǵyn úıdiń bul túri ekologııalyq turǵydan qolaıly. Otbasy kóshýge sheshim qabyldaǵanda, dúnıe-múlkin jıyp, arqandardy sheship, kıiz búktelip, kelesi jyly kıiz turǵyzǵanǵa deıin sol kúıinde qaldyrady», — delingen maqalada.
Maqala avtory sonymen qatar «glempıng» qurylymdarynyń ıdeıasy kıiz úıden bastaý alatynyn aıtady. Jalpy alǵanda, Qazaqstanda kıiz úıdi úı retinde paıdalanýdyń azaıýy eldiń damýy men jańǵyrýyn áleýmettik, ekonomıkalyq, mádenı jáne memlekettik faktorlardyń úılesimimen túsindirýge bolady. Qazirgi tańda Qazaqstan men Ortalyq Azııadaǵy týrıster arasynda tanymal kıiz úıler erekshe demalys ornyn izdegen sheteldik týrısterge qyzmet kórsetý úshin jasalǵan. Olar qazaqtyń dástúrli turmys-tirshiligine sholý jasaıdy.
