Sheteldik BAQ: Qazaqstandyq gımnasshy Alına Ádilhanova – asa talantty sportshy
NUR-SULTAN. QazAqparat –Indonezııalyq Okezone.com saıty 18 jasar qazaqstandyq gımnasshy qyz Alına Ádilhanovanyń sporttaǵy tamasha jetistigine tańdanys bildirdi, dep jazady Sports.kz.
«Qazaqstanda asa qabiletti jáne talantty sportshylar az emes. Solardyń biri – Alına Ádilhanova. Onyń symbatty denesi álemdik sport jankúıerleriniń nazaryn aýdardy. Ádemiligimen qatar ol kórkem gımnastıkada keremet jetistikterdi baǵyndyrdy. Óziniń balaýsa shaǵynda sportshy qyz óte joǵary bıikterge qol jetkizdi», delingen habarlamada.
Aıta keter bolsaq, Ádilhanova Azııanyń tórt dúrkin chempıony (2017, 2018), komandalyq kópsaıysta Azıada chempıony (2018). Sondaı-aq halyqaralyq sport sheberi ataǵyna ıe.
