Sheteldik azamattardyń qazaqstandyq balalardy asyrap alý sany azaıyp keledi - J. Túımebaev
ASTANA. Aqpannyń 25-i. QazAqparat /Qanat Mámetqazyuly/ - Sheteldik azamattardyń qazaqstandyq balalardy asyrap alý sany azaıyp keledi.
Búgin QR Parlamenti Senatynyń jalpy otyrysynda «Balalardy qorǵaý jáne balany sheteldik asyrap alýǵa qatysty yntymaqtastyq týraly konventsııany ratıfıkatsııalaý týraly» zańdy talqylaý barysynda Bilim jáne ǵylym mınıstri Janseıit Túımebaev osylaı málim etti, dep habarlaıdy QazAqparat.
«2008 jylǵa qaraǵanda bul kórsetkish 40 balaǵa azaıdy. Al qazaqstandyq bala asyrap alýshylardyń negizgi quramynyń 95 paıyzy tabysy orta azamattar bolsa, olardyń tek 5 paıyzy ǵana joǵary qoǵamdyq jáne materıaldyq jaǵdaıy bar azamattar bolyp tabylady. Kerisinshe, balany sheteldik asyrap alýshylardyń 90 paıyzdan astamy ál-aýqaty joǵary azamattar. Sonymen birge, sheteldik azamattar asyrap alǵan qazaqstandyq bala kámeletke tolǵanǵa deıin ol jaıynda jyl saıyn esep berýge mindetti. Bul norma qazirgi tańda tolyq oryndalyp keledi», dedi mınıstr.
Onyń aıtýynsha, shet el asyp ketken balalardyń 90 paıyzynyń densaýlyqtary óte nashar bolǵan. Sonymen birge, mınıstr keltirgen derekterge qaraǵanda, sońǵy on jylda elimiz boıynsha 37 myń 450 bala asyrap alyndy. Bunyń ishinde qazaqstandyq azamattar 28 myńnan astam balany (77 paıyz), balanyń sheteldik týystary 500-ge jýyq balany (1,2 paıyz), al sheteldik azamattar 8 myńǵa tarta balany (21,8 paıyz) asyrap alǵan.
