Sheteldik azamat shekaradan 304 myń dollar alyp ótpek bolǵan - UQQ

NUR-SULTAN. QazAqparat - 27 maýsymda Aqtóbe oblysy boıynsha Shekara qyzmeti departamenti «Jaısań» (avtomobıl) ótkizý pýnktinde tekserý is-sharalaryn júrgizý kezinde aqshalaı qarajatty shetelge zańsyz áketý áreketin anyqtady, dep habarlaıdy QazAqparat.

«304 myń AQSh dollaryn quraıtyn valıýtany avtomobıldiń júksalǵyshyndaǵy qosalqy dońǵalaqtyń astyna jasyrýǵa tyrysqan sheteldik azamat ustaldy. Materıaldar quzyreti boıynsha Ekonomıkalyq tergeý departamentine berildi», - dep jazdy UQQ baspasóz qyzmetinen.

UQK Shekara qyzmeti Qazaqstan Respýblıkasynan tys jerlerge shyǵatyn azamattarǵa aqsha qarajatyn áketý (on myń AQSh dollarynan astam) jáne olardy deklaratsııalaý kezinde zańnamany saqtaý qajettiligi týraly eskertedi.