Sheteldik azamat kóshi-qon zańdylyǵyn buzyp, 10 táýlikke qamaldy - BQO
ORAL. QazAqparat - Tasqala aýdandyq sotynyń qaýlysymen Belarýs eliniń azamaty P.Prıhodko QR Ákimshilik quqyqbuzýshylyq kodeksi 517-baby 2-bólimimen aıypty dep tanylyp, 10 táýlikke qamaýǵa alyndy.
BQO sotynyń baspasóz qyzmetinen túsken málimetke qaraǵanda, shekara baqylaý beketiniń qyzmetkerleri Pavlodar men Reseıdiń Shahty qalasy baǵytynda «Freıtlaıner» júk kóligimen jol tartqan P.Prıhodkony ustaǵan. Atalǵan azamat kóshi-qon qaǵazynyń merzimi ótip ketkenin «baıqamaǵan».
