Sheteldik azamat Qaraǵandy oblysynan qýyldy
QARAǴANDY. QazAqparat - Qaraǵandy oblysynan kóshi-qon zańnamasyn buzǵany úshin RF azamatshasy elden qýyldy. Bul týraly Qaraǵandy qalasyndaǵy Oktıabr aýdandyq sotynyń baspasóz qyzmeti habarlady.
«Sot «Qaraǵandy oblysynyń ІІD» MM sheteldikti Qazaqstan Respýblıkasynan qýý týraly ótinishi boıynsha azamattyq isti qarady. Ótinish qanaǵattandyryldy. Reseı Federatsııasynyń azamatyn sot qaýlysy shyǵarylǵan kúnnen bastap 20 kún ishinde elden qýý sheshimi shyǵaryldy», - delingen habarlamada.
Reseıliktiń «Halyqtyń kóshi-qony týraly» QR Zańyn buzǵany úshin birneshe ret ákimshilik jaýapkershilikke tartylǵandyǵy anyqtaldy. Ol Qazaqstan Respýblıkasyna belgilengen kirý, kelý, shyǵý tártipterin saqtamaǵan.
Sottyń aqparatyna sáıkes sheteldik elden qýý týraly sheshimmen kelisti. Ol Qazaqstanǵa 2009 jyly ájesi men anasyn qaraýǵa kelgenin, 2014 jyly týystary qaza bolǵanyn aıtty. Ózi Qazaqstanda qalǵan, esh jerde jumys istemeıdi.
Sot sheshimi zańdy kúshine endi.
