Sheteldik áıel Atyraý turǵynynan aqsha talap etip, vıdeońdy ınternetke salamyn dep qorqytqan
ATYRAÝ. QazAqparat – Atyraýda bopsalaýmen aınalysqan sheteldik áıel ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, Atyraý qalasynda turatyn 51 jastaǵy áıel bopsalaý týraly aryzdanǵan.
Shaǵymdanýshynyń aryzynda ózge azamatshanyń qorqytyp 50 000 teńge talap etkeni aıtylǵan.
Ózbekstan Respýblıkasynyń 32 jastaǵy azamatshasy ǵalamtor jelisine jábirlenýshiniń ıntımdik sıpattaǵy beınejazbalaryn júkteımin dep bopsalaǵan.
«Kúdikti azamatsha 19 qańtarda Atyraý qalasy S.Datov kóshesindegi bank fılıaly ishinde ornalasqan termınaldan talap etken aqshasyn esepshotyna saldyrtqan. Polıtsııa kúdiktini sol jerde ustady» dep habarlady departamenttiń baspasóz qyzmetinen.
Qazir atalǵan derekke QR Qylmystyq Kodeksiniń 194-baby 1-bóligimen sotqa deıingi tergeý júrgizilip jatyr.
Eske sala ketelik, budan buryn Atyraýda tanysynyń 2 mln teńgesin aldap alǵan alaıaq sottalǵan bolatyn.
