Sheteldik avtomobılderdi zańdastyrý tártibin belgileıtin Úkimet qaýlysy ázirlendi
«Mınıstrlik Memleket basshysynyń sheteldik avtomobılderdi zańdastyrý tapsyrmasyn iske asyrý boıynsha is-sharalar qabyldaýda. Bul jumys 2 kezeńge bólindi. Birinshi – zańnamaǵa tıisti túzetýlerdi engizý; ekinshi – zańdastyrý úshin tikeleı is-sharalar uıymdastyrý. Parlament Salyq kodeksine túzetýlerdi qabyldady. Ol zańdastyrýǵa jatatyn avtokólikterdi bastapqy tirkeý úshin tólenetin alymdy 200 myń teńge kóleminde belgiledi. Sondaı-aq tólem basqa zań jobasy aıasynda Ekologııalyq kodekske ýtılızatsııalyq tólemdi alyp tastaý bóliginde túzetýler engizledi», - dedi mınıstr.
Onyń atap ótýinshe, Іshki ister mınıstrligi zańdastyrýdy júrgizýdiń tártibin, sharttary men merzimderin belgileıtin Úkimet qaýlysynyń jobasyn ázirlegen.
«Mınıstrlik osy jylǵy qyrkúıekten bastap buqaralyq aqparat quraldarynda jáne áleýmettik jelilerde, sondaı-aq sheteldik avtokólik ıelerimen tıisti túsindirý jumystaryn júrgizýde. Sonymen qatar, ishki ister mınıstrligimen birge Qarjy mınıstrligi kedendik deklaratsııalaý máseleleri boıynsha, sondaı-aq Indýstrııa jáne ınfraqurylymdyq damý mınıstrligi kólik quraldaryna tehnıkalyq talaptar boıynsha túsindirý jumystaryn jalǵastyryp jatyr», - dedi ol.
