Shetelderde qarýly qaqtyǵystarǵa qatysyp júrgen qazaqstandyqtar jazalanady - Ǵ. Shoıkın
ASTANA. QazAqparat - Shetelderde qarýly qaqtyǵystarǵa qatysyp júrgen qazaqstandyqtar jazalanady. Bul týraly búgin Ortalyq kommýnıkatsııalar qyzmetinde QR Mádenıet jáne sport mınıstrligi Din isteri komıtetiniń tóraǵasy Ǵalym Shoıkın málim etti.
Onyń sózine qaraǵanda, Qazaqstan azamattary elimizdiń syrtynda oryn alyp jatqan túrli qaqtyǵystarǵa, lańkestik is-qımyldarǵa qatysyp júr.
«Qarýly qaqtyǵystardaǵy qazaqstandyqtar túrli joldarmen shyǵyp ketken, onyń bir bóligi - oqý oqýǵa, ekinshisi - emdelýge dep shekara asqan. Demokratııalyq el retinde biz adamdarǵa shetelge shyǵýǵa, kóship-qonýǵa tyıym sala almaımyz. Olardy qatań zań boıynsha jaza kútip tur. Sondyqtan túrli báleketterge atsalysyp júrgender jazasyn alady», - dedi Ǵ. Shoıkın.
Komıtet basshysy olardyń deni adasyp júr dep esepteıdi. Sebebi qarýly ses kórsetetin destrýktıvti aǵymdar olardy tartý úshin túrli nasıhat jasaıdy. Ásirese dinge berilgen jasóspirimderdi azǵyrady.
«Biz ol qaqtyǵystardyń qaýiptiligi men kereksizdigin árdaıym túsindirip kelemiz», - dep atap ótti ol.
