Shetelden ushyp kelgen taǵy 4 qazaqstandyqtan koronavırýs anyqtaldy

NUR-SULTAN. QazAqparat - 18 naýryz Qazaqstan aýmaǵyna Germanııa, Frantsııa, Maldıv Respýblıkasy, Kıpr, BAÁ, Mysyr, Iran, Túrkııa, Reseı, Tájikstan, Ózbekstan, Ýkraına jáne Qyrǵyzstannan 34 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, ótken bir táýlikte elimizge shetelden 3 771 jolaýshy ushyp keldi. Onyń 3 414-inde koronavırýsqa PTR-testileýdiń teris nátıjesi bar anyqtama bolǵan. Qalǵan 357-si anyqtamasyz kelgen, barlyǵy da – QR azamattary.

Onyń ishinde:

- Almaty qalasynyń áýejaıyna – 19 reıs, 1 932 jolaýshy, anyqtamamen – 1 803, anyqtamasyz - 129;

- Nur-Sultan qalasynyń áýejaıyna – 9 reıs, 1 200 jolaýshy, anyqtamamen – 972, anyqtamasyz - 228;

- Shymkent qalasynyń áýejaıyna – 5 reıs, barlyq 490 jolaýshy anyqtamamen kelgen;

- Aqtaý qalasynyń áýejaıyna – 1 reıs, barlyq 149 jolaýshy anyqtamamen kelgen.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi komıtetten.

Sondaı-aq 17 naýryzda shetelden PTR-anyqtamasyz ushyp kelgen Qazaqsıtannyń 387 azamatynyń taldaý nátıjeleri daıyn bolǵan. Olarǵa sáıkes, «Sharm el-Sheıh – Almaty» reısindegi – 3 jolaýshydan, «Sharm el-Sheıh – Nur-Sultan» reısindegi 1 jolaýshydan koronavırýs anyqtaldy.

Eske salaıyq, 16 naýryzda 3 memleketten ushyp kelgen Qazaqstannyń 5 azamatynan koronavırýs tabylǵan bolatyn.