Shetelden ushyp kelgen taǵy 3 qazaqstandyqtan koronavırýs anyqtaldy
NUR-SULTAN. QazAqparat - 20 jeltoqsanda Qazaqstan aýmaǵyna Germanııa, Italııa, Maldıv, Mysyr, Túrkııa, BAÁ, Armenııa, Ýkraına, Reseı, Belarýs jáne Qyrǵyzstannan 20 halyqaralyq áýe reısi ushyp keldi, dep habarlaıdy QazAqparat.
QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń aqparatyna sáıkes, elimizge barlyǵy 2 824 jolaýshy ushyp kelgen. Olardyń arasynda 2 461 adamda koronavırýsqa PTR-testileýdiń teris nátıjesi bar anyqtama bolǵan. Anyqtamasyz 363 jolaýshy ushyp kelgen, barlyǵy – QR azamattary.
Onyń ishinde:
- Almaty qalasynyń áýejaıyna – barlyǵy 10 reıs, 1 633 jolaýshy keldi, anyqtamamen – 1 490, anyqtamasyz - 143;
- Nur-Sultan qalasynyń áýejaıyna – 8 reıs, 1 142 jolaýshy, anyqtamamen - 922; anyqtamasyz - 220;
- Aqtaý qalasynyń áýejaıyna – 1 reıs, barlyq 31 jolaýshy anyqtamamen keldi;
- Óskemen qalasynyń áýejaıyna – 1 reıs, barlyq 18 jolaýshy anyqtamamen keldi.
«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2020 jyldyń 19 jeltoqsanynda anyqtamasyz kelgen Qazaqstannyń 237 azamatynyń PTR-taldaý nátıjesi daıyn boldy, 3 jolaýshyda koronavırýs ınfektsııasy anyqtaldy. Olardyń ishinde 2 jolaýshy Mınsk – Nur-Sultan reısimen, 1 jolaýshy – Frankfýrkt – Nur-Sultan reısimen kelgen», - delingen aqparatta.
