Shetelden ushyp kelgen taǵy 2 qazaqstandyqtan koronavırýs anyqtaldy

NUR-SULTAN. QazAqparat - 14 qańtar kúni Qazaqstan aýmaǵyna Nıderlandy, Maldıv, BAÁ, Mysyr, Túrkııa, Reseı jáne Ózbekstannan 13 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń málimetinshe, ótken bir táýlikte elimizge barlyǵy 2 053 jolaýshy ushyp kelgen. Olardyń arasynda 1 773 adamda koronavırýsqa PTR-testileýdiń teris nátıjesi bar anyqtama bolǵan. Qalǵan 280-i anyqtamasyz kelgen, olardyń barlyǵy da QR azamattary.

Atap aıtqanda:

- Nur-Sultan qalasynyń áýejaıyna – shetelden barlyǵy 6 reıs qondy, 750 jolaýshy, onyń ishinde anyqtamamen – 644, anyqtamasyz - 106;

- Almaty qalasynyń áýejaıyna – 5 reıs, 1 095 jolaýshy, anyqtamamen - 948, anyqtamasyz - 147;

- Atyraý qalasynyń áýejaıyna – 2 reıs, 208 jolaýshy, anyqtamamen - 181, anyqtamasyz - 27.

«Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - delingen aqparatta.

Sondaı-aq málim etilgendeı, 13 qańtar kúni shetelden Qazaqstanǵa PTR-anyqtamasyz ushyp kelgen 94 azamattyń test nátıjesi belgili boldy. Oǵan sáıkes, «Dýbaı – Nur-Sultan» reısiniń – 1, «Sharm-el-Sheıh – Nur-Sultan» reısiniń 1 jolaýshysynan koronavırýs anyqtaldy.

Eske salsaq, ózge elderden áýe kóligimen kelgen qazaqstandyqtardan koronavırýs indeti kúnde derlik anyqtalýda. Tek keshe ǵana «Dýbaı – Almaty» reısiniń 2 jolaýshysynan qaýipti ınfektsııa tabylǵan edi.