Shetelden ushyp kelgen qazaqstandyqtar PTR qorytyndysyn 5-6 saǵat ótken soń alady
NUR-SULTAN. QazAqparat - 22 qazan túninde 10 halyqaralyq reıspen 1383 jolaýshy kelgen. Sonyń ishinde 1230 jolaýshynyń PTR-anyqtamasy bolsa, qazaqstandyq 153 adamnyń tıisti anyqtamasy bolǵan joq. Bul týraly Kóliktegi Bas memlekettik sanıtarlyq dáriger Sádýaqas Baıǵabylov aıtty, dep habarlaıdy QazAqparat.
«Túrkııadan Shymkentke kelgen barlyq áýe jolaýshylarynyń COVID-19 vırýsyna tapsyrǵan PTR-anyqtamalary boldy. 10 halyqaralyq áýe reısi, 1383 jolaýshy ushyp keldi. Sonyń ishinde 1230 adamnyń anyqtamasy bar bolsa, Qazaqstannyń 153 azamaty anyqtamasyz ushqan, sonyń ishinde: Nur-Sultanǵa – 3 áýe reısi keldi, onda 398 jolaýshysy bolǵan, anyqtamamen – 361 adam, anyqtamasyz – 37 adam. Almaty qalasyna ushyp qonǵan 6 áýe reısimen 899 jolaýshy kelgen. Sonyń ishinde 783 adamnyń anyqtamasy bar bolsa, 116 adam anyqtamasyz ushyp keldi», - dedi Sádýaqas Baıǵabylov jelidegi paraqshasynda .
Onyń aıtýynsha, Qazaqstanǵa arnaıy anyqtamasyz ushyp kelgen el azamattary PTR taldaý tapsyrý úshin Nur-Sultan jáne Almaty qalalarynda tegin karantındik statsıonarlarǵa jatqyzylady.
«Karantınge jatqyzylǵan Qazaqstan azamattary PTR qorytyndysyn taldaý tapsyrylǵan kezden 5-6 saǵat ótken soń alady. Jolaýshylar halyqaralyq áýe reısterimen BAÁ, Túrkııa, Ýkraına, Belarýs, Reseıden ushyp kelgen edi. PTR test tapsyrý týraly anyqtama qaǵaz úlgisinde de, elektrondyq tasymaldaýshyda da (smartfon) jaramdy», - dep tolyqtyrdy ol.
