Shetelden ushyp kelgen 2 qazaqstandyqtan koronavırýs anyqtaldy

NUR-SULTAN. QazAqparat - 19 jeltoqsanynda Qazaqstan aýmaǵyna Germanııa, Shveıtsarııa, Mysyr, Túrkııa, BAÁ, Reseı, Belarýs, Qyrǵyzstan jáne Ózbekstannan 18 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń aqparatyna sáıkes, barlyǵy 2 008 jolaýshy ushyp kelgen. Onyń ishinde PTR-testileýdiń teris nátıjesi bar anyqtamamen - 1 771 adam, anyqtamasyz – 237 adam (barlyǵy QR azamattary).

Onyń ishinde:

- Almaty qalasynyń áýejaıyna – barlyǵy 13 reıs, 1 331 jolaýshy keldi. Anyqtamamen – 1 183, anyqtamasyz - 148;

- Nur-Sultan qalasynyń áýejaıyna – 4 reıs, 499 jolaýshy, anyqtamamen - 438; anyqtamasyz - 61;

- Qostanaı qalasynyń áýejaıyna – 1 reıs, 178 jolaýshy, anyqtamamen - 150; anyqtamasyz - 28.

«Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

18 jeltoqsanda anyqtamasyz kelgen Qazaqstannyń 210 azamatynyń PTR-taldaýlarynyń nátıjeleri boıynsha Ystanbul – Nur-Sultan reısimen kelgen 2 jolaýshydan koronavırýs ınfektsııasy anyqtaldy», - delingen komıtet málimetinde.