Shetelden ýaqytsha ákelingen 125 kólik anyqtaldy
NUR-SULTAN. QazAqparat – Qazaqstanǵa Grýzııa men Ázerbaıjannan ýaqytsha kólik ákelý jaǵdaılary jıilegen. Bul týraly QazAqparat Memlekettik kirister komıtetine silteme jasap habarlaıdy.
Osyǵan oraı reıdtik sharalar ótti. Qazirgi tańda 125 avtokólik anyqtalyp, ýaqytsha saqtaý qoımalaryna ornalastyrylǵan. Osy baǵytta jumystar jalǵasýda.
Aıta ketsek, Eýrazııalyq ekonomıkalyq odaqtyń keden aýmaǵyna úshinshi elderden ýaqytsha ákelingen kólik quraldary óz boıynsha sheteldik taýarlar bolyp tabylady jáne kedendik baqylaýda bolady. Ýaqytsha ákelý merzimi aıaqtalǵannan keıin (bul 1 jyl) avtokólik quraldary EAEO aýmaǵynan shyǵyp ketýi qajet.
Komıtet ýaqytsha ákelingen kólik quraldaryn satyp alýǵa jáne Qazaqstan aýmaǵynda paıdalanýǵa tek kedendik rásimnen jáne tıesili kedendik alymdardy jáne salyqtardy tólegen soń ǵana qoldanýǵa bolatynyn eskertedi.
