Shetelden oralǵan qazaqstandyqtar ózge elde júrgizilgen PTR testileýdi kórsete alady

NUR-SULTAN. QazAqparat – Qazaqstan áýejaılarynda ózge elde júrgizilgen PTR testiniń nátıjesi qabyldanady. Bul týraly QR Bas memlekettik sanıtar dáriger Aıjan Esmaǵambetovanyń №37 Qaýlysynda ruqsat berilgen, dep habarlaıdy QazAqparat tilshisi.

«10 mamyrdaǵy №36 Qaýlyma ózgerister engizip, 22 mamyrda №37 Qaýlymdy shyǵardym. Qaýly boıynsha birinshiden, shetelden áýe reısimen kelgen adamdar, ıaǵnı Qazaqstan Respýblıkasynyń memlekettik shekarasynan bes kúnnen keshikpeı ótýine berilgen PTR nátıjesi teris anyqtama bolsa, bul adamdar 14 kúnge úıde oqshaýlanady. Olar COVID-19 tekserilý úshin 2 kún statsıonarǵa jatqyzylmaıdy. Ekinshiden, josparly medıtsınalyq qyzmet kórsetý jumysy qaıta bastaldy. Biz oǵan ruqsat berdik», - dedi bas sanıtarlyq dáriger QR Densaýlyq saqtaý mıınstrliginiń Feısbýktegi baspasóz máslıhatynda.

ıAǵnı, jańa Qaýly boıynsha áýejaılarda ózge elde jasalǵan PTR testi nátıjesi óz kúshinde bolady.

«Ózge elde jasalǵan PTR anyqtamalaryn moıyndaý - qazaqstandyqtardy elge qaıtarý sharalarynyń bir bóligi. ıAǵnı memleket áli kúnge deıin elge oralǵysy keletin azamattardy qaıtaryp jatyr. Olardyń kópshiliginde shet elderden alynǵan PTR anyqtamasy bar. Bárin karantındik statsıonarǵa jibermeý úshin sol anyqtamalardy qabyldaımyz. Bul ruqsattama tek qana áýejaılarda berilgen, áýe reısimen kelgen azamattardyń ǵana sheteldik PTR anyqtamasy qabyldanady», - dep túsindirdi A. Esmaǵambetova.