Shetelden kólik ákelemin dep 106 mln teńgeni ıemdengen kúdikti Reseıden ekstradıtsııalandy
ASTANA. KAZINFORM – Bas prokýratýra asa iri mólsherde alaıaqtyq jasady degen kúdikpen Qazaqstan azamatyn Reseı Federatsııasynan ekstradıtsııalady, dep habarlaıdy vedomstvonyń baspasóz qyzmeti.
Tergeý dereginshe, kúdikti 2021-2022 jyldary shetelden avtokólik satyp alyp, jetkizip beremin degen syltaýmen úsh adamdy aldaǵan.
Ol jábirlenýshilerdiń jalpy somasy 106 mln teńgeden astam qarajatyn ıemdendi degen kúdikke ilingen.
Qylmys jasaǵannan keıin kúdikti qylmystyq qýdalaý organdarynan jasyrynǵan. Osyǵan baılanysty oǵan halyqaralyq izdeý jarııalanǵan.
– Aǵymdaǵy jyldyń naýryz aıynda ol Reseı aýmaǵynda ustalyp, Qazaqstan Bas prokýratýrasynyń suraýymen elge ekstradıtsııalandy. Qazirgi ýaqytta kúdikti tergeý ızolıatoryna qamaldy, – delingen habarlamada.
Taǵylyp otyrǵan qylmys úshin múlkin tárkileı otyryp, 10 jylǵa deıin bas bostandyǵynan aıyrý jazasy kózdelgen.
Aıta keteıik, buǵan deıin de sheteldik kólikterdi satatyny týraly jalǵan jarnama jarııalap, jeti azamattyń aqshasyn ıemdendi degen kúdikti Reseıden Qazaqstanǵa ekstradıtsııalanǵan bolatyn.
