Shetelden kelgenderden indet juqtyrmaǵanyn rastaıtyn PTR test talap etiledi

NUR-SULTAN. QazAqparat – Shetelden kelgenderden teris PTR test talap etiledi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Epıdemıologııalyq jaǵdaıdyń kúrdeliligin, omıkron shtamynyń tez kóbeıýin eskere otyryp, birqatar shekteý sharalary kúsheıtildi. QR memlekettik shekarasyn kesip ótý pýnktilerinde vaktsınatsııa mártebesine qaramastan, shetelden kelgenderdiń bárinde mindetti túrde teris PTR test bolýy talap etiledi. Ashyq boıynsha «jasyl» mártebe bolǵan jaǵdaıda ǵana qyzmetine ruqsat etilgen nysandardyń tizbesi keńeıtildi», - dedi Ajar Ǵınııat.

Onyń atap ótýinshe, óńirlerdegi epıdemıologııalyq ahýalǵa baılanysty oqýshylardy, stýdentterdi oqytýǵa saralanǵan tásil qoldanylady.

«Shekteý sharalaryn engizý árbir naqty óńirdegi epıdemıologııalyq ahýalǵa baılanysty saralanyp júzege asyrylatynyn atap aıtqym keledi. Omıkron túriniń klınıkasy, jiti respıratorlyq vırýstyq ınfektsııa jáne tumaý belgilerine uqsastyǵyn eskere otyryp, otandastardy medıtsınalyq kómekke ýaqtyly júginýge shaqyramyn. KVI belgileri paıda bolǵan kezde úıde oqshaýlanýǵa, dárigerdi nemese mobıldi brıgadany úıge shaqyrýdy suraımyn. Basqa adamdardyń ómirine, densaýlyǵyna qaýip týǵyzbańyzdar. Esterińizge sala keteıin, omıkron túri óte juqpaly, tez taralady. Ýaqtyly júgingen kezde aýrýhanaǵa jatqyzylmaı-aq úıde emdeýge bolady. Ózin-ózi emdeý aýrýdyń asqynýyna ákeletinin atap ótkim keledi», - dedi mınıstr.