Shetelden kelgender Denge bezgeginine qarsy tekserýden ótip jatyr
ASTANA. QazAqparat - QR Densaýlyq saqtaý mınıstrliginiń Qoǵamdyq densaýlyq saqtaý komıteti Qazaqstanda Denge bezgeginiń aldyn alý boıynsha qabyldanǵan sharalar týraly aıtyp berdi.
«Osyǵan baılanysty Qoǵamdyq densaýlyq saqtaý komıteti kóptegen is-sharalar retin qolǵa alǵan. Atap aıtar bolsaq, memlekettik shekara arqyly sanıtarlyq-karantındik ótkizý pýnktteri tekserilip, elimizdiń halyqaralyq áýejaılaryndaǵy jolaýshylar termometrııa arqyly baqylanady. Qazaqstan azamattarynyń Denge bezgegi juqtyrýy múmkin elderge barýyn uıymdastyratyn týrıstik agenttikter arasynda júıeli túrde túsindirý jumystary júrgizilýde»,-dep habarlaıdy jaýapty oryndar.
Qandaı elderde atalmysh aýrýdy juqtyrýdyń qaýiptiligi joǵary? Búgingi tańda Denge bezgegi álemniń 125 elinde tirkelgen. Olardyń qatarynda Brazılııa, Chılı, Qytaı, Úndistan, Indonezııa, Sıngapýr, Perý, Paragvaı, Malaızııa, Meksıka, Nıkaragýa, Kolýmbııa, Kaıman araldary, Taıland, Shrı-Lanka sııaqty elder bar. Bularǵa Ońtústik-Azııa elderiniń aýmaǵy da jatqyzylady.
