Shetelden kelgen 17 stýdenttiń birinen koronavırýs anyqtaldy
QOSTANAI. QazAqparat – Qostanaı oblysynda Reseıden kelgen stýdent qyzdan koronavırýs anyqtaldy, dep habarlaıdy QazAqparat Memlekettik komıssııanyń shuǵyl shtabyna silteme jasap.
6 mamyr kúni Qostanaı oblysynda koronavırýs ınfektsııasyn juqtyrýdyń jańadan 1 jaǵdaıy tirkelgen edi.
Qazaqstannyń 17 azamaty – stýdentter «Qaıraq» avtoótkeli arqyly shekaradan ótken. Olardyń barlyǵy koronavırýs ınfektsııasynyń bar-joǵyn anyqtaýǵa analız alynǵanǵa deıin Tobyl qalasyndaǵy karantındik statsıonarǵa jatqyzylǵan.
«COVID-19 Reseı Federatsııasynan kelgen 19 jastaǵy stýdent qyzdan tabyldy. Ol Qostanaı oblystyq aýrýhanasynyń juqpaly aýrýlar bólimine aýystyryldy. Avtobýsta birge kelgen adamdar medıtsınalyq baqylaýǵa alyndy. Taýysqandarymen jáne jaqyndarymen tikeleı baılanys ornatpaǵan.
Qazirgi tańda naýqas hattamamen bekitilgen tıisti emdi qabyldap jatyr. Epıdemııaǵa qarsy is-sharalar qolǵa alyndy», - delingen aqparatta.
Búginde Qostanaı oblysynda indetti juqtyrǵan jalpy 54 adam tirkeldi. Jazylyp shyqty – 15 adam.
