Shetelden keletin sálemdemege qandaı jaǵdaıda kedendik deklaratsııa talap etiledi
Komıtettiń túsindirýinshe, QR Keden kodeksiniń 3-baby 1-tarmaǵynyń 57-tarmaqshasyna sáıkes halyqaralyq poshta jóneltilimderi - Dúnıejúzilik poshta odaǵynyń aktilerine sáıkes poshta almasý obektileri sanalady, EAEO kedendik aýmaǵynyń sheginen tys halyqaralyq poshta almasý oryndarynan, nemese EAEO kedendik aýmaǵyna halyqaralyq poshta almasý mekemelerine túsedi ne EAEO kedendik aýmaǵy arqyly tranzıtpen ótetin sálemdemeler men jazbasha hat-habar Dúnıejúzilik poshta odaǵynyń aktilerinde kózdelgen qujattarmen alyp júriledi.
«Halyqaralyq poshta jóneltilimderimen jiberiletin jeke paıdalanýǵa arnalǵan taýarlardy EAEO keden shekarasy arqyly ótkizý tártibi Eýrazııalyq ekonomıkalyq odaq Keden kodeksiniń 37 jáne 40-taraýlarymen, kodekstiń 39 jáne 42-taraýlarynda, №107 sheshimde, «Dúnıejúzilik poshta odaǵynyń aktilerinde kózdelgen qujattardy kedendik deklaratsııa retinde paıdalaný tártibi týraly nusqaýlyqty bekitý týraly» Keden odaǵy komıssııasynyń 2010 jylǵy 18 maýsymdaǵy №310 sheshiminde aıqyndalǵan.
Halyqaralyq poshta jóneltilimderimen jiberiletin jeke paıdalanýǵa arnalǵan taýarlarǵa qatysty kedendik operatsııalar halyqaralyq poshta almasý oryndarynda (Qazaqstan Respýblıkasy Aqparat jáne kommýnıkatsııalar mınıstriniń 2016 jylǵy 9 jeltoqsandaǵy №277 buıryǵymen aıqyndalǵan) ne keden organy aıqyndaǵan ózge de oryndarda jasalady», delingen habarlamada.
Halyqaralyq poshta jóneltilimimen jiberiletin jeke paıdalanýǵa arnalǵan taýar jolaýshynyń kedendik deklaratsııasyn qoldana otyryp, kedendik deklaratsııalaýǵa jatady.
«Halyqaralyq poshta jóneltilimderinde ótkiziletin jeke paıdalanýǵa arnalǵan taýarlardy kedendik deklaratsııalaý, jeke paıdalanýǵa arnalǵan taýarlardy jóneltýshi nemese alýshy bolyp tabylatyn jeke tulǵa turaqty nemese ýaqytsha turatyn ne ýaqytsha bolatyn EAEO-ǵa múshe memlekette júzege asyrylady.
Zaǵıptarǵa arnalǵan aerogrammalar, hattar, poshta kartalary jáne jóneltimder kedendik deklaratsııasyz jáne kedendik rásimderge ornalastyrýsyz keden organynyń ruqsatymen EAEO kedendik shekarasy arqyly ótkiziledi.
Halyqaralyq poshta jóneltilimderimen jiberiletin jeke paıdalanýǵa arnalǵan taýarlardy shyǵarýdy keden organy kedendik bajdar, salyqtar tólengenge deıin júrgizedi», delingen habarlamada.
Komıtettiń málimetinshe, quny 200 eýrodan asatyn nemese salmaǵy 31 keliden asatyn taýarlarǵa shetelden tapsyrys bergen kezde, qun sheginen asyp ketý bóliginde, normadan 15% mólsherinde, biraq 1 keli úshin 2 eýrodan kem emes baj tólenýi kerek, mysaly, eger pakettiń quny 300 eýro, al salmaǵy 31 keli bolsa, onda baj 100 eýroǵa tólenýi kerek, bul 15 eýro. Salmaq bóliginen asyp ketken kezde, mysaly, eger sálemdemeniń salmaǵy 35 keli bolsa, baj salmaq sheginen (ıaǵnı 4 kg-nan) asyp, 8 eýrony quraıdy.
«Baj alý úshin negiz retinde 2020 jylǵy 1 qańtardan bastap taýarlardy ótkizý jıiligin esepke almaǵanda, árbir jeke selemdeme salmaǵy men quny qaralady. Jeke paıdalanýǵa arnalǵan taýarlardyń qunyna olardy tasymaldaý jáne saqtandyrý jónindegi shyǵystar engizilmeıdi.
Eger jóneltilimniń salmaǵy men quny shekti mólsherden aspasa, kedendik deklaratsııany tapsyrýdyń qajeti joq.
Jolaýshylar kedendik deklaratsııasyn eektrondy túrde tapsyrýǵa bolady. Ondaı múmkindik «ASTANA-1» aqparattyq júıesinde júzege asyrylǵan, júıede EAEO shekarasynan ótkenge deıin jolaýshylar kedendik deklaratsııasyn usynýǵa bolady», delingen habarlamada.
«ASTANA-1» júıesinde jolaýshylar kedendik deklaratsııasyn tapsyrý úshin jeke tulǵalarǵa mynalar qajet: turǵylyqty jeri boıynsha Memlekettik kirister departamentine ótinish joldaý arqyly logın men qupııasóz alý; jeke basyn sáıkestendirý úshin ETsQ.
