Shetelden ákelingen kólikterdi zańdasyrý 1 shildege deıin jalǵasady

ASTANA. QazAqparat – Shetelden ákelingen avtokólikterdi zańdastyrý 2023 jyldyń 1 shildesine deıin júrgiziledi. Ortalyq kommýnıkatsııalar qyzmetinde ótken brıfıngte Іshki ister mınıstriniń orynbasary Igor Lepeha osylaı málim etti, dep habarlaıdy QazAqparat tilshisi.

«Shetelden ákelingen avtokólikterdi zańdastyrý 2023 jyldyń 1 shildesine deıin júrgiziledi. Osy aralyqta jeńil kólikter, tolyq salmaǵy 5 tonnaǵa deıin jetetin shaǵyn, orta syıymdylyqtaǵy avtobýstar jáne tolyq salmaǵy 3,5 tonnaǵa deıingi shaǵyn júk kólikterin zańdastyrýǵa bolady. Bul ereje rýli oń jaqta ornalasqan kólikterge de qatysty. Bastapqy tirkeýge jatatyn sheteldik avtokólikterdiń jylyna jáne ekologııalyq sanatyna qatysty talaptar qoıylmaıdy», - dep málim etti Igor Lepeha.

Aıta keteıik, 2022 jyldyń 1 qyrkúıegine deıin ákelingen kólikterdi zańdastyrý 23 qańtarda bastalady.