Shetelden ákelingen kólikke halyqaralyq izdeý jarııalansa ne isteý kerek
«Keıingi jyldary urlanǵan kólikti zańdy tirkelgen uqsas kóliktiń «syńary» etip satý beleń alyp tur. Daý týyndaǵan kóliktiń agregat derekteri ózgertilmegen bolsa jáne ol derekterdiń túpnusqa ekeni dáleldeıtin múmkindikter bolsa, kólik zańdy jolmen esepke alynǵan bolsa, sonyń ishinde keden organdarynyń esebine tirkelgen bolsa, qazaqstandyq ıesi sotqa múlik ıesin anyqtaý úshin Azamattyq kodekstiń 7-babynyń 3-tarmaqshasy boıynsha júgine alady. Jınalǵan materıaldar kólike izdeý jarııalaǵan tarapqa joldanady. Sonyń negizinde ol tarap atalǵan kólikti halyqaralyq krımınaldyq esepten alyp tastaýy kerek. Іzdeý salýshy tarap ol suranymdy oryndamasa, kóliktiń qazaqstandyq ıesi Mınsk konventsııasynyń 1-baby boıynsha sotqa shaǵym túsire alady», - dep túsindirdi jedel ýákil.
Sondaı-aq ol kólik satyp alý kezinde qandaı máselelerge mán berip qaraý kerektigin aıtty.
«Kólik ıelerine mynany eskertkim keledi. El aýmaǵynda basqa memlekettiń tirkeý nómiri bar kólik satyp alý jáne paıdalaný arqyly siz túrli qylmystyq shemalardyń qurbany bolyp, saldarynan qymbatqa alǵan múlkińizden aırylyp qalýyńyz múmkin. Mundaı jaǵdaı bolmaý úshin sheteldik kólik satyp alǵan kezde birden sol memlekettiń tirkeý esebinen shyǵaryp, Qazaqstanǵa búkil kedendik normalardy saqtaı otyryp ákelgen durys», - dedi Qudııar Nurseıitov.
