Shetelden ákelingen 69 myńnan astam kólik zańdastyryldy - ІІM
«Іshki ister mınıstrligi basqa múddeli memlekettik organdarmen birlesip, osy jyldyń 23 qańtarynan Memleket basshysynyń tapsyrmasy boıynsha elge 2022 jyldyń 1 qyrkúıegine deıin ákelingen sheteldik avtokólikterdi zańdastyrýdy júrgizýde. Ótinishter barlyq Halyqqa qyzmet kórsetý ortalyqtarynda jáne elektrondyq servıs arqyly qabyldanady. Sondaı-aq azamattarǵa arnalǵan elektrondyq úkimet portalynda jáne ekinshi deńgeıli bankterdiń mobıldi qosymshalarynda qoljetimdi», - dedi komıtet tóraǵasy ІІM baspasóz qyzmeti alańynda ótken brıfıngte.
Onyń atap ótýinshe, zańdastyrýdyń negizgi krıterıılerinde kólik quralynyń sáıkestigin aldyn ala tekserý protsesi tolyq avtomattandyrylǵan. Qylmystyq esep, kedendik baza jáne basqa da aqparattyq júıeler bar.
«Osy jyldyń 23 qańtary men 26 naýryzy aralyǵynda 69 myńnan astam kólik quraly zańdastyryldy. Onyń ishinde 67 paıyzy - Reseı Federatsııasynan, 19 paıyzy - Armenııadan, shamamen 10 paıyzy - Qyrǵyzstannan, shamamen 2 paıyzy – Grýzııadan», - dedi Qaısar Sultanbaev.
