Sheteldegi saılaý ýchaskelerindegi daýys berý qujattary 48 saǵatta elordaǵa jetkiziledi - QR SІM
ASTANA. QazAqparat - Sheteldegi saılaý ýchaskelerindegi daýys berý qujattary 48 saǵatta elordaǵa jetkiziledi. Bul týraly búgin QR Syrtqy ister mınıstriniń orynbasary Roman Vasılenko málim etti.
«Shetelde saılaýdy uıymdastyrý maqsatynda QR Syrtqy ister mınıstrligi tarabynan sáıkesinshe shtab qurylǵan. Bul kúnderi ol kúndiz-túni jumys isteýde. Shtab pen Syrtqy ister mınıstrligi qaraıtyn Esil aýdandyq saılaý komıssııasy arasynda jumys babyndaǵy baılanysy ornatylǵan jáne sheteldegi saılaý ýchaskeleriniń daýys berý qujattary sol ýchaskege jetkiziledi», - dedi R.Vasılenko.
Onyń atap ótýinshe, saılaý ýchaskesi ashylmaǵan elderde júrgen Qazaqstan azamattary kórshi memleketterdegi saılaý ýchaskelerine kelip daýys bere alady.
«Saılaý ýchaskelerinde qorytyndy shyǵarylǵannan keıin SІM qyzmetkerleri bıýlletenderdi jáshigimen jáne basqa da saılaýǵa qatysty ónimderdi alyp, 48 saǵattyń ishinde ony Esil aýdandyq saılaý komıssııasyna tabystaý úshin QR Syrtqy ister mınıstrligine jetkizýi tıis», - dedi R.Vasılenko.
