Sheteldegi qazaqtildi jýrnalıster Astanada sheberlikterin shyńdaıdy
ASTANA. QazAqparat - Sheteldegi qazaqtildi jýrnalıster Astanada taǵylymdamadan ótedi, dep habarlaıdy QazAqparat tilshisi.
Sheteldegi qazaq jýrnalısterine arnalǵan taǵylymdama "Egemen Qazaqstan akademııasy" jobasy aıasynda júrgiziledi.
"Bıyl "Egemen Qazaqstan akademııasy" atty keń aýqymdy jobany júzege asyrýdy bastaımyz. Egemen Qazaqstan akademııasy sheteldegi, sonyń ishinde Mońǵolııa, Ózbekstan, Qyrǵyzstan elderindegi qazaq jýrnalısterine arnaıy semınarlar kýrsyn uıymdastyrý, jergilikti jýrnalısterdi aǵylshyn tilinde aqparat taratý boıynsha taǵylymdamadan ótkizý, jýrnalıstıka fakýltetteri stýdentteriniń kásibı shyńdalýyna múmkindik jasaý, óńirlik jáne salalyq baspasóz quraldaryna aqparattyq-ádistemelik jáne konsýltatıvtik-trenıngtik qoldaý kórsetý syndy baǵyttarda jumys isteıdi", - dep málimdedi "Egemen Qazaqstan" AQ basqarma tóraǵasy Darhan Qydyráli Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, Mońǵolııadaǵy qazaqtildi jýrnalıster naýryz aıynda Astanaǵa taǵylymdamadan ótýge keledi.
Buǵan deıin habarlaǵanymyzdaı, bıylǵy naýryz aıynan bastap "Egemen Qazaqstan" gazetiniń ataýy latyn álipbıine aýystyrylady. Sondaı-aq basylymnyń kúndelikti 12 beti 16-ǵa artyp, jańa qosymshalarmen aptasyna bir ret 24 betpen shyǵatyn bolady.
