Sheteldegi qazaqstandyqtar Májilis saılaýyna qatysa alady
«Qazaqstan Respýblıkasy Prezıdentiniń 21 qazandaǵy №439 Jarlyǵyna sáıkes, 2021 jylǵy 10 qańtarda Qazaqstan Respýblıkasy Parlamenti Májilisi depýtattarynyń kezekti saılaýy ótedi.
Shetelde Qazaqstan Respýblıkasy azamattarynyń saılaý quqyǵyn qamtamasyz etý úshin 53 memlekette 66 saılaý ýchaskesi ashylady.
«Qazaqstan Respýblıkasyndaǵy saılaý týraly» Konstıtýtsııalyq Zańy 24-babynyń 8-tarmaǵyna sáıkes, Qazaqstannyń shet memleketterdegi ókildikteri janyndaǵy saılaý ýchaskeleri boıynsha saılaýshylar tizimi daýys berý kúnine deıin ózektendiriletin bolady», delingen vedomstvonyń Telegram kanalynda.
Mınıstrlik sheteldegi saılaý protsesin ýaqtyly jáne tolyqtaı daıyndaý maqsatynda Qazaqstan Respýblıkasynyń azamattarynan jaqyn mańdaǵy saılaý ýchaskesine aldyn-ala habarlasyp, saılaýshylar tizimine engizý úshin málimet berýin suraıdy.
