Sheteldegi qandastarymyzǵa arnalǵan «Qazaq kartasy» atty qujat engiziledi
«Bizdiń basty mindetimizdiń biri - shettegi otandastar týraly burynnan jınaqtalǵan málimetterdi ózektendirip, júıelendirý, qosymsha zertteýler júrgizý, nátıjesinde ǵylymı turǵydan tujyrymdalǵan elimizdiń ekonomıkalyq, demografııalyq mıgratsııalyq múmkindikteri negizinde mekendegen elderdegi kásibı tirlik erekshelikterine sáıkes bıznes modeldeý arqyly shettegi baýyrlarymyzdy Qazaqstan Respýblıkasyna kóshirý, elge kelgen repatrıanttardy beıimdeý, shetelderdegi qazaqtardy qoldaý tetikteri boıynsha dıasporaldy saıasat baǵdarlamalaryna usynystar ázirleý», - dedi M.Sarbasov «Otandastar» qorynyń janynan qurylǵan qoǵamdyq keńestiń birinshi otyrysynda.
Onyń atap ótýinshe, qazirgi tańda, qysqa merzim ishinde qazaq dıasporasyn memlekettik qoldaý týraly zań jobasynyń tujyrymdama jobasy ázirlenip, ýákiletti organdarǵa usynylǵan.
«Bolashaq zańnamaǵa «Qazaq kartasy» atty qujat engizý qarastyrylǵan. Ol ózderińiz biletindeı, Polshada «Alıak kartasy», Túrkııadaǵy «Kók kartasy» qujaty sııaqty bolady. Bul sheteldegi balalarymyzǵa, qandastarymyzǵa qazaqstandyqtarmen birdeı saılaý men saılaný quqyǵynan basqa Qazaqstan aýmaǵynda emin-erkin júrip-turýyna, bıznespen aınalysýyna, menshik ıesi bolýǵa, zańdy túrde jumysqa tartylýyna, tegin bilim alýǵa, medıtsınalyq qyzmet júıesin qoldanýǵa tolyq múmkindik týǵyzady», - dedi qordyń vıtse-prezıdenti.
