Sheteldegi qandastarǵa Qazaqstandaǵy JOO-da bilim alý múmkindigi jaıly málimet beriledi
«Otandastar» qory men Halyqaralyq baǵdarlamalar ortalyǵy sheteldik qandastardyń joǵary bilim alýyna jaǵdaı jasaıdy.
«Bolashaq - stýdent jastardy Qazaqstanǵa jáne kerisinshe Qazaqstannan sheteldik joǵary oqý oryndaryna tartatyn negizgi uıymdardyń biri. Osyny negizge ala otyryp, biz kúsh biriktirgeli turmyz. Mundaǵy maqsat - shetelde turatyn qandastarymyzdyń qalaýynsha Qazaqstanda nemese sheteldiń áıgili joǵary oqý oryndarynda bilim alý múmkindigin qamtamasyz etý», - dedi «Otandastar» qory prezıdentiniń keńesshisi Dıdar Bolat.
Jaqyn kúnderi «Otandastar» qory men Halyqaralyq baǵdarlamalar ortalyǵy ókilderi Mońǵolııa, Ózbekstan jáne Reseı Federatsııasyna birlesip saparlaıdy. Olar sheteldegi qandastarmen, dálirek aıtqanda mektep oqýshylarymen kezdesip, Qazaqstanda jáne sheteldik jetekshi joǵarǵy oqý oryndarynda bilim alý múmkindikteri jaıly aqparattandyratyn bolady.
«Kelesi aıda biz Mońǵolııaǵa, 120 myńǵa jýyq qazaq turatyn Baıan Ólgeı aımaǵyna attanamyz. Ondaǵy qandastyń shamamen bir jarym myńy - bıylǵy mektep bitirýshi túlekter. ıAǵnı qazaqstandyq bilim ordalaryna túse alatyn áleýetti stýdentter. Máselen, ótken jyly Ózbekstannan Qazaqstanda bilim alýǵa 12 myń bala kelse, onyń 5 myńǵa jýyǵy - etnıkalyq qazaqtar. Olarǵa yńǵaıly tıimdi jaǵdaıdyń barlyǵy jasaldy. Aqtóbe ýnıversıteti bir jyl boıy tegin oqý múmkindigin usyndy. Mundaı baǵdarlamalar bizde kóp, tek qandastarymyzǵa aqparat kóp jaǵdaıda jetpeı jatady», - dedi «Otandastar» qory prezıdentiniń keńesshisi Dıdar Bolat.
Eske sala ketsek, «Otandastar» qory 2017 jyly Dúnıejúzi qazaqtarynyń V-shi quryltaıynda Elbasynyń tapsyrmasy boıynsha qurylǵan bolatyn. Qor qandastardy tarıhı otan tóńireginde birlestirýdi maqsat tutady.
