Sheteldegi qandastarǵa Qazaq kartasy elshilikter arqyly berilýi múmkin
NUR-SULTAN. QazAqparat – «Otandastar qory» kommertsııalyq emes aktsıonerlik qoǵamy sheteldegi qandastarǵa Qazaq kartasy Qazaqstannyń basqa memleketterdegi elshilikteri arqyly berýdi usyndy, dep habarlaıdy QazAqparat tilshisi.
«Qazaq kartasynyń usyný tártibi boıynsha taǵy bir máseleni aıta keteıin. Mysaly, biz Polsha memleketiniń tájirıbesin zerttedik. Ol eldiń tájirıbesi boıynsha, Polsha memleketiniń sheteldegi elshilikteri tarıhı Otanyna oralǵysy keletin polıaktarǵa osyndaı kartany berýmen aınalysady. Ol karta tegin beriledi. Osyǵan oraı, zań jobasy boıynsha Qazaq kartasyn berýdi Qazaqstan Respýblıkasynyń sheteldegi mekemeleri arqyly berýdi usynyp otyrmyz», - dedi «Otandastar qory» KEAQ vıtse-prezıdenti Maǵaýııa Sarbasov elordada «Sheteldegi otandastardy memlekettik qoldaý týraly» QR zań jobasyn talqylaý barysynda.
Onyń aıtýynsha, Qazaq kartasyn alýdyń búgingi tańda birshama sharttary ázirlengen.
«Birinshi – qazaq ultyna jatatyn nemese Qazaq KSR-nyń, QR-nyń burynǵy azamattyǵyn rastaıtyn qujattyń bolýy. Ekinshiden, qazaq tiliniń bazalyq deńgeıin bilý. Úshinshisi - qazaq mádenıeti, salt-dástúri men ádet-ǵurpy týraly negizgi bilimderin meńgerýi. Memlekettik organdardyń usynysymen Qazaq kartasynyń jaramdylyǵy 10 jyldan 5 jylǵa qysqartyldy», - dedi Maǵaýııa Sarbasov.
Sheteldik qazaqtardyń Qazaqstan aýmaǵynda el azamattarymen birdeı quqyqqa ıe bolýyna múmkindik beretin «Qazaq kartasy» atty qujattyń jobasy daıyndalyp jatqany buǵan deıin habarlanǵan bolatyn.
«Otandastar» qorynyń prezıdenti Nurtaı Ábiqaevtyń aıtýynsha, «Qazaq kartasy» dep atalatyn qujat sheteldik qazaqtardyń tarıhı Otanynda ýaqytsha ómir súrip, beıimdelýi úshin jasalmaq.
«Shetelderdegi qazaqtardy qoldaýǵa baǵyttalǵan zań qabyldanady. Sonyń aıasynda «Qazaq kartasy» degen qujat jasalýy múmkin. Ol qujat syrttaǵy qazaqtarǵa qazaqstandyqtarmen birdeı ómir súrýge múmkindik týǵyzady. ıAǵnı, bilim alý, dárigerge qaralý, bıznespen aınalysý, jumys isteý sııaqty barlyq ómir aspektilerinde Qazaqstan azamattarymen birdeı quqyqqa ıe bolady. Tek saıasatpen aınalysýǵa bolmaıdy. Ol úshin azamattyq alýy qajet. «Qazaq kartasy» qolynda bar qazaq otbasymen bizdiń elde eshqandaı vızasyz júrip-tura alady», - degen edi Nurtaı Ábiqaev.
