Sheteldegi qandastar UBT-ny tuńǵysh ret onlaın tapsyrdy

NUR-SULTAN. QazAqparat - Bıyl tuǵysh ret 733 qandas talapker UBT onlaın tapsyrdy. Bul týraly QazAqparat «Otandastar qoryna» silteme jasap habarlaıdy.

«Otandastar qory» juqpaly indet saldarynan shetelden kele almaı qalǵan jastardyń ótinshi boıynsha UBT onlaın ótkizý bastamasyn osydan úsh aı buryn kótergen bolatyn.

Bilim jáne ǵylym, Syrtqy ister mınıstrlikteriniń, Ulttyq testileý ortalyǵynyń qoldaýymen, QR aýmaǵynda koronovırýstyq ınfektsııanyń taralýyna jol bermeý jónindegi vedomstvoaralyq komıssııa otyrysynda sheteldegi qandas jastarǵa UBT «Onlaın» ótkizý sheshimi qabyldandy.

Bilim jáne ǵylym mınıstrligi tarapynan talapkerlerdi ulttyq birińǵaı testileýge daıarlaıtyn daıyndyq bólimine 2018-2019 jyly 992, 2019-2020 jyly 1300, 2020-2021 jylǵa 1300 oryn bólingen. Jyl saıyn qandastardy qabyldaýǵa arnalǵan kvota 2%-dan, 4%-ǵa ósti. 2020 jyly UBT tapsyrýǵa 2025 qandasymyzdan ótinish tústi.

Qandas talapker jastardyń basym bóligi UBT el ishinde tapsyrdy. Elge kele almaǵan qandas talapkerlerdiń onlaın test tapsyrýyna atsalysqan barsha mamandardyń qyzmetine rızashylyǵymdy bildiremin», - deıdi «Otandastar qorynyń» vıtse-prezıdenti Maǵaýııa Sarbasov.

Eske salsaq, Ózbekstan, Qytaı, Mońǵolııadaǵy qandastar UBT-ny 19 shildede tapsyrdy.

Ulttyq qoǵamdyq senim keńesinde sheteldegi qandastarǵa kóptep grant bólýdi usyndy.