«Sheteldegi qandas otanyna oralýy úshin «etnıkalyq qazaq» ekenin dáleldeýi kerek bolady» - respýblıkalyq basylymdarǵa sholý
***
«Alash aınasy» gazetinde «Sheteldegi qandas otanyna oralýy úshin «etnıkalyq qazaq» ekenin dáleldeýi kerek bolady» degen taqyryppen jaryq kórgen maqalaǵa keshegi Májilistiń dástúrli sársenbilik otyrysynda depýtattar birinshi oqylymda maquldaǵan «Halyqtyń kóshi-qony týraly» jańa redaktsııadaǵy zań jobasy arqaý bolǵan. «Kóshi-qon úderisin retteýge arnalǵan osynaý qujat saladaǵy keleńsiz saldardy azaıtýǵa, atamekenine oralǵysy keletin qandastarymyzdyń jumysyn jeńildetýge baǵyttalǵandaı», - dep jazady basylym.
Úkimettiń keshegi selektorlyq otyrysynyń negizgi arqaýy egistik máselesine arnaldy. Osyǵan oraı «Alash aınasy» gazetinde «Sharýalar egis naýqanyna daıyn» degen taqyryppen maqala basyldy. Basylymnyń atap ótýinshe, Aýyl sharýashylyǵy mınıstri Asyljan Mamytbekovtyń aıtýynsha, respýblıkanyń barlyq aýmaqtary kóktemgi egin jumystaryna saqadaı-saı otyr. «Búgingi tańda egis naýqanyna qolda bar tehnıkanyń 93 paıyzy daıyn. Batys aýmaqtarynan basqa barlyq oblystar egistikke qajetti tuqymmen tolyqtaı qamtamasyz etildi. Al Aqtóbe, Batys Qazaqstan oblystaryndaǵy tuqym tapshylyǵyn retteý úshin memlekettik qordan 50 myń tonna tuqym bólý týraly sheshim qabyldandy. Bul másele de jaqyn kúnderi sheshiledi», - deıdi ol.
***
«Elbasy Nursultan Nazarbaev Kıevte ótken ıadrolyq energııany qaýipsiz jáne ınnovatsııalyq paıdalaný máseleleri jónindegi sammıt sheńberinde Ýkraına prezıdenti Vıktor ıAnýkovıchpen, sondaı-aq Kıev sammıti aıasynda Memleket basshysy BUU-nyń Bas hatshysy Pan Gı Mýnmen de kezdesti», - dep jazady «Aıqyn» gazeti búgingi nómirindegi «Yntymaqtastyqqa yqpal etetin kezdesý» atty maqalasynda. Sammıtte sóz alǵan Elbasy: «Qazaqstan jerinde álemdegi eń úlken Semeı ıadrolyq synaq polıgony bolǵan. Jarty ǵasyrǵa jýyq ýaqyt boıy onda 456 ıadrolyq jarylys jasaldy, onyń áreket etý jıyntyǵy 116 Chernobylǵa teń sanalady. Álemdik qoǵamdastyq osy qorqynyshty tragedııaǵa áli kúnge deıin baǵasyn bergen joq. Bul synaqtardyń saldarlary áli de uzaq ýaqyt seziletin bolady», - dep atap ótken.
Jaqynda Qazaqstan halqy Assambleıasynyń kezekti sessııasynda Prezıdent Nursultan Nazarbaev barsha azamattardy kele jatqan Birlik kúnimen quttyqtaı otyryp: «Bıyl 1 mamyrdy biz jańa formatta atap ótetin bolamyz», - dep málimdegen edi. Osyǵan oraı «Aıqyn» gazetinde Birlik kúniniń jańasha sıpaty týraly depýtattar men sarapshylar oı tolǵapty. El azamattarynyń pikirin bilgińiz kelse, «1 mamyr qalaı toılanýy kerek?» degen taqyrypqa kóz júgirtińiz.
***
«Astana aqshamy» gazetiniń jazýynsha, Astana qalasynyń balalar psıhonevrologııalyq medıtsınalyq-áleýmettik mekemesiniń aýmaǵynda respýblıkada teńdesi joq qysqy jylyjaı ashyldy. Bul joba «Ekson Mobıl» kompanııasynyń demeýshilik qoldaýynyń arqasynda júzege asqan. Ongda jyl saıyn atalǵan mekemedegi oılaý qabiletteriniń aýytqýy bar 40-qa jýyq bala eńbek daǵdylaryn damyta alady. Maqala «Jumysqa baýlıtyn jylyjaı» degen taqyryppen berilgen.
***
«Kazahstanskaıa pravda» gazetiniń búgingi sanynda jaryq kórgen «Baltııskıı vektor vzaımnyh ınteresov» degen taqyryptaǵy maqalada Memleket basshysy Nursultan Nazarbaevtyń Estonııa Respýblıkasyndaǵy memlekettik sapary jaıynda keńinen baıandalǵan. Basylymnyń atap ótýinshe, qarsy alýdyń resmı rásimi barysynda Prezıdentter N.Nazarbaev pen T.Ilves birge sýretke túsip, syılyqtar almasty. N.Nazarbaev Qurmetti qonaqtar kitabyna óz qoltańbasyn qaldyrdy. «Búgin biz Prezıdent Ilves myrzamen birlesken málimdemege qol qoıdyq. Onda jan-jaqty yntymaqtastyqty keńeıtýge umtylý bekitilgen. Biz Estonııanyń Astanada óz elshiligin ashý sheshimine qýanyshtymyz», - dedi Elbasy N.Nazarbaev.
